《究竟教會係扭曲邪惡充滿醜聞，定還是天真無邪「值得相信」？》
（原刊於 端木皚 Facebook，原本無題，題目為後來所加）
其實愈係竭力抹黑教會，話佢既乜乜觀物物觀有問題，話入面既人好扭曲好多醜聞甚至好邪惡，然後就將呢啲野安插成「牧師唔要公開追思」既原因，愈係解釋唔到牧師點解除左同三個同教會素無來往既妻兒（註）交代之外，就不再作任何安排？那個在每個風頭火勢 #十字路口 和邪惡政權充滿智慧地周旋的牧師，真係會天真到認為單憑 #師母 二字，呢個（遺孀口中）邪惡的教會就會乖乖地聽話？
牧師如果有咁強烈既原因，又面對咁邪惡既教會，點解會用一個弱雞到近乎無效的方法去傳達/達成佢既遺願？例如：有冇證據佢同其他教會外既教內前輩提過？甚至教外具公信力既社會領袖呢？
根本愈向呢個方向走，愈係難以自圓其說。
容我提醒一句，遺孀曾在一次公開訪問中提到，當佢（遺孀）問牧師是否要白紙黑字向教會交代遺願時，（根據遺孀講）牧師話「唔使」，原因係因為「相信教會」。而家又講到牧師好憎教會教會好扭曲好黑暗咁？究竟教會係扭曲邪惡充滿醜聞，定還是天真無邪「值得相信」，決定好未？買定就離手啦！
同埋再提醒一次，牧師既言語我地好多已無法驗證，但佢既行動我地還能略知一二：佢生前仍不斷返教會 - 不論正式聚會還是教會外既相聚/團契 - 公開的相片中，牧師明顯都是享受相聚同充滿笑容的。
佢既行動，就係佢對教會 #最誠實既看法 同 #最可靠既指標。旁人怎樣捏造言語，都不能取代他本人的行動。#身體最誠實
你如果尊重牧師，就唔該尊重埋佢對教會既睇法 - 唔係人講咩你就信咩，引導性問題之後讚你兩句「咁你就真係認識牧師啦」就沾沾自喜 - 呢啲玩弄心理挑撥情緒的手段，喺 #行家 眼中，真係無所遁形（註一）：而且，容我加一句，層次好低。
註：或兩個？ 大公子好似從未講過佢 separately 聽過牧師的所謂遺願
註一：或者又係時候課下金去搵佢個 Legal 500 大狀傾下計？如果去既話，咁我就先代我的行家們說聲謝謝。