IPFS 指纹 这是什么
失去教育意義嘅教育制度
幾年前睇過呢套YouTube 片控訴現今運作緊嘅教育制度害緊我哋嘅下一代，其實真係好啱
我上星期同一位教育工作者討論咗一個下午就係講緊學校教唔到學生喺未來世界需要嘅球生技能
呢位老師講喺教育界，起碼80%嘅校長同老師仲係好抗拒將科技教育放喺前面，依然主要針對中英數去到教育下一代，認為呢啲科目係小朋友最需要嘅技能，可以做醫師，律師，工程師
甚至老師自己本身都好抗拒用新科技進行教育工作
其實我可以好肯定咁同大家講，現今嘅教育體系根本無辦法話到比小朋友知未來嘅世界所需要嘅技能係乜。
如果教育局唔進行大規模改革，香港新一代嘅沒落唔係因為政治問題，而係失去喺未來生活所需要嘅必須知識
呢度仲有一段片係馬雲同Elon Mask 上年喺上海嘅演講同Debate，當中有兩位visionary深度討論未來世界嘅願景同所需要嘅技能，包括對教育制度改革嘅期望
當中馬雲都講到現今教育體系係當年為工廠式生產而度身訂造嘅system, 對現今嘅年輕世代係完全唔合適再用