音响老人院#1

最近又買左聽歌既野 等me整理一下so far買過d乜先 似乎要由30年前講起 暴露年齡

以前呀哥都中意聽歌 佢果個年代係聽黑膠 果陣我仲係小學雞 佢梗係唔比我搞佢d機啦 佢比我用部壊壊地既錄音座插耳機聽Cassette帶 聽到上中學 記得成日都聽Raidas Beyond 達明 2 unlimited 果d

之後有買過Walkman / Discman 都係普通貨色 第一次接觸到音响知識 就係由耳機開始 果陣係1995年 係果個年代 我記得大部份人仲係用Discman 亦開始有人用MD機

果時應該係跟機既耳機壞 冇咗一邊聲 就走去買過 以前冇得上網睇review 係舖頭見到呢個SONY E888 成間舖頭咁多耳機 佢就好似皇帝咁 SONY系列入面嘅頂級 覺得好勁咁 記憶中係800幾900蚊港幣 仲貴過我部Discman 我連試都冇得試就買咗 亦都證明咗呢個世界乜嘢都講包裝 唔係淨係講實力 識得包裝都係實力嘅一種

果時住屯門 返工放工搭車聽歌係好重要 一上巴士已經拆開咗試聽 不得了 d聲勁清楚 巴士入面咁嘈 用E888我記得係一插上去已經好大聲要教細返啲 而最深刻嘅印象就係見識到聲都有金屬/破璃feel 勁清 低音實在 即刻中左SONY毒

用咗好幾年 後來仲買多咗一個短線版 以前SONY嘅耳機右邊嘅線係長過咗邊 用途就係兜過條頸後面 耳機線喺左邊身接落去手袋或者衫袋 嗰陣時我好鍾意呢個設計 但係今日係冇可能會再出現咁嘅設計

始終年代久遠 關於E888嘅詳細聽感我已經唔記得 而且佢唔係入耳式 所以同而家耳機比較亦都唔可以apple to apple 但係我相信 今日港幣1000蚊以下嘅耳機 就算係入耳式 唔會好聲得過佢

其實冇必要去比較 當時用佢覺得好聽 聽到感動 已經足夠