My little detour - 《四圍騰》

等左陣去完十個廁所又上機， 原來我點左fruit platter都唔記得， 都好嘅， 反正口淡淡。 又搭左差不多7個鐘， 終於到左今次旅程的第一站， 西班牙巴塞隆拿。 入境時我排了all passports 的隊， 點知排到我時海關人員好嚴肅咁同我講嘢， 正當我驚佢要我比itin時， 原來佢只係憐惜我點解唔善用歐盟國自助入境機。其實除左心虛之外, 我真係無更好解釋🤣🤣🤣

老老實實， 真係無咩點plan過Barcelona的行程，慶幸我記得之前睇過個交通篇， 又咁啱係香港上機前比我搵得返個網頁開定， 如果唔係到時真係lei咁hea。落到機， 雖然唔算係好瞭解個交通流程， 但摸下摸下又比我去到shuttle bus站由T1轉去T2, 之後又搵到Refe 機場火車站， 仲買左張T10卡 (€10.2）搭火車去plac de gracia火車站 （扣一程）， 之後跟maps me搵到hostel, 嘩， 間hostel都住左好多人喎。

同hostel職員講想住多晚， 6 June 先走， 所以又要加多€27, total除左卡數嗰€27, 我仲要比多€126.32 （total:€153.32)。 但由於未夠2點無得攞房， 我唯有放低行李出去行， 行行下見到個牛角包加咖啡set只係€1.7咁平， 忍唔住叫左， 又唔錯喎！ 經過左米拉之家， 一堆名店， 仲連巴特婁之家都經過埋。 跟住去左hostel staff介紹的一區， 包括有Catherdral de Barcellna, Plac of Nova之類， 呢到太大太多巷仔， 我應該係完全無法沿路再行返一次( 中間仲買左canada dry飲添， 承惠€1）。

最後我行到海邊， 嘩， 超多人， 沙都無落我就回程了。 由於只瞓得幾鐘， 我獎自己搭地鐵返去， 但坐完地鐵行返去時依然迷路。好唔容易等到3點返去攞房， 一入房已大失所望。呢到好多野都dirty, 連執完張床都咁dirty… OMG。 但為左唔使搬， 我會忍架。

跟手我出去買埋法包（€1.25） 同埋喺嗰的無貼價錢supermarket 買左枝水 （€0.45） 同埋peach 汽水 (€1.2) 就回去了。 食完嘢沖涼瞓， 好在我早沖， 竟然…沖涼房係無鎖的， 係咪痴線架！ 戰戰兢兢咁沖完涼，即係上床攤抖喇! 但重要嘅事要做左先， 所以係臨瞓前申請多次去加拿大轉機時要用到的ETA, 只怪我唔細心連expiry date都填錯。

今日共用： €170.82 (€27 credit card, €143,82 cash) + 7cad