My little detour - 《 朱古力廠， 仲有feria》

今日放學後有參觀朱古力廠嘅學校節目， 我地2:45pm返到學校， 由Edwin帶我地去朱古力廠。 與其說朱古力廠， 不如話係朱古力店比較貼切。我地又係先睇video, 然後就係坐定定自費飲朱力。 我點了chocolate puro同埋chocolate fruta (Q10+Q5), 朱古力好濃唔錯， 朱力香蕉比較硬但都好食， 而我最估不到係Edwin竟然陪足我地全程， 仲要係自費添。

之後Alexandra提議去一趟feria,因為佢上堂時問左Edwin點去， 我同Ida(新同學）都覺得提議不錯， 於是我地三條友就去左運動場前面搭巴士。 由於我地迷失左喺運動場附近， 所以我便隨便問了個擺檔叔叔車站o係邊， 佢手指一指方向， 仲幫我地截停左架剛開走的車添😱。我地上到車先有時間搵錢嚟搭車 （Q2), 我收集後交比車上chico, 但由於有塞車， 所以我地五點先到feria, 應該都搭左半個鐘。 

落車向feria方向行， 其實都似係街邊巿集， 行唔使10分鐘就到左個feria, 嗰到有好多機動遊戲同埋食物檔。 我地都係純粹行下， 原來呢到的機動遊戲都幾追上潮流， 但有的都幾令人驚嘆， 因為我真係未見過轉得咁快，而車廂造型成個兜咁嘅摩天輪。由於Alexandra話會再嚟， 所以我哋都只係行左一圈就離開了。

回程沒有大巴士， 我地只好坐van， 但因為塞滿人， 我地只有貼住度門企到返去， 又一次特別的體驗！

已用：Q24

朱古力 + chocolate fruta (total Q15)

Q2 bus to feria

Q2 bus to city centre