My little detour - 《同一場境， 兩種狀況》

雖然住靚酒店， 但都唔知點解瞓得唔好！ 我凌晨4點幾醒過2次， 仲發現自己流汗， 都開到23度， 唔通張被太厚？ 定我已到更年期🤣🤣

6點幾起身， 執埋野沖埋身， 7點幾就落樓下食早餐 ， 今次唔使用餐券，講room no就得。 我夾左少少罐頭水蜜桃、 罐頭梨， 烚蛋，煎蛋， ham 同腸， 仲有杯醒神咖啡， 其實唔多野， 因為怕搭機頂住， 都係咪食咁多！食完上房去埋個靚廁就攞行李去check out, 非常好， 真係€1都無用過。今次架shuttle好準時， 8:15已ready。 先到第一站terminal 1, 我落車咩都唔理， 一個箭步已走去Air Canada counter, 咦， 未出再現人潮喎🤣。 不過如我所憂， Bno都係唔得， 好彩， 我琴晚用特區護照申請左eta (7CAD), 當知道bno唔得後， 佢地就用左我本特區護照試， 真係一試即可！ 點解呢？ 無人知， 總之而家走得！ 由於時間太多， 我去研究下個航班顯示器點睇， 原來人地有顯示check in counter no.架豬。

由於機場大堂都再無咩好搞， 於是早早地我都入左禁區先。 例牌過security check先， 諗住可以偷雞唔除鞋， 估唔到佢地咁眼利，唯有乖乖就範。 丫， 平時過完x ray都無人要求開袋， 今次試埋， 不過佢純粹睇下入面係咪放左電話， 攞左少少野出嚟就塞返入去話ok, 難為我勁狼狽， 要執返個寶貝袋， 仲要著鞋同孭背囊， 好彩無漏野。 之後到過關， 汲取上次經驗， 我去左排自助過關機， 隊本bno去scan, 再抬頭影低個衰樣就ok。 今日順利到不行， 9:45am已在D12閘口等11:05登機 （11:45機）， 但估唔到hea下hea下時間過得好快， 轉眼登機。 為免麻煩事再發生， 我破天荒今日走去排定隊登機，thanks God, 順利scan機票了， 今勻真係上到機起得飛喇！ 

搵到15K坐低， 好濶喎個機位！ 而最正係咩， 係2位一排， 即係去廁所都方便d! 而更正係...我隔離無人坐！！今日架機好吉呀， 好多人都可以一人霸2-3位， 太好了！！ 上到機無野做， 又無電視睇， 唯有睇下catalogue, 發覺原來有食物（ i.e早餐， snacks, dinner option)。 不過又記得人地話加拿大飛古巴嗰程係無包餐， 我突然諗會唔會Air Canada先係廉航呢 (但都3千幾蚊港紙單程架喎)？？？ 正當諗緊9個鐘無水無食物我頂唔頂得順時， 佢開始派餐， yeah! 我揀左雞肉，開蓋見到配有薯蓉茄醬， 都算係咁啦！ 一食落口，OMG, 好滑呀件雞胸， so happy! 我亦趁呢個去廁所無憂的時間點左鮮有機會睇中的可樂， 開心開心！當我真係去廁所時...我發現原來後排d位置的座位係full gar, 原來地勤姐姐真係留左個好位比我呀😍

瞓下坐下聽下歌填下form， 又食下機上派的小食同埋pizza之類的roll後， 終於係西班牙時間around 9pm到左加拿大...但係機上等左廿幾分鐘都仲未落機囉。

落到機， 仲係7 jun的3點幾， 呢個 7 jun真係太好使。 頭先過境都幾得意， 有2個職員企左係international transit到， 佢要你比機票同passport scan， 完成先開門比你去候機室, 感覺好似etv入實驗室嗰的。係等機期間覺得好口渴， 於是買左枝我認為係cad 2.89的水， 連稅係cad3.26, 真係要慳住飲🤣🤣， 但原來之後我發現， 其實人地根本有水機...不過我唔執輸， 點都斟返一枝先。

差唔多7點聽到announcement話去havana的機改左係81號閘口， 又快快脆行過去， 仲好， 有埋成個廁所係附近任我去添..就係咁， 又過左5個鐘喇， 登機的時間又到了， 呢架係細機， 仲廣播話未必夠放的行李， 叫的人盡量將細背包放seat底。呢程機只係3個鐘， 但由於我整個人都運作左24小時， 所以好攰， 但又瞓唔到喎， 你話幾慘。 同埋呢... 佢呢程機只係派過一次餐飲， 野食係要比錢order架， 反正咁攰， 我都食唔落， 唯有逼自己瞓。可惜， 我根本瞓唔到， 到將緊到havana時， 佢開始派野喇， 咦， 原來係custom declaration嚟架喎， 嘩， 都填幾多野喎， 包括錢呀， 要報稅項目。 之後終於到我期待的cuba tourist card（雖然等機時有confirm過係咪機上會派），由於好驚填錯， 所以係白紙上寫下先落筆。 我隔離對情侣好好呀， 知我諗住留機場過一晚， 除左叫我小心外， 仲係我地廁所再遇時話佢朋友住古巴， 可能幫我諗到方法， 我就話睇下機場worse唔worse先。過關個位同廁所好近， 一個快步行過去， 懷住戰戰競競的心隊晒本bno, tourist card 同custom declaration過關， 哈哈， 佢唔要張declaration wor! 除埋眼鏡影一影相， 搞掂， 好快手喎， 但佢只係吸左印， 無收走半張旅遊卡喎！ 之後大遷徙咁攞埋行李（因為轉左belt), 但竟然比我發現個name tag唔見左😱😱，但條橡筋仲係到喎， 咁係爛左定比人攞左呢？？？比埋custom declaration比海關 （有職員係門口截， 你唔會miss， 但又只係收而根本無detail check)就出機場等了。

今日共用：7 CAD(ETA) + 3.26 CAD (debit card)