【防疫罩住您】第三罩 曬下太陽殺菌？

現時好多人為避免疫情，都成日留在家中，「吽」到生曬菇。有時見天氣好，都忍唔住想落街呼吸下新鮮空氣～

但曬下太陽真係可以殺菌？

答: 太陽光中的紫外線的確具有殺菌消毒作用。不過，太陽光的紫外線幅射源通過電離層、臭氧層等之隔離後，剩下能到達地面的殺菌效果非常小。所以一般太陽光的照射未必能有效殺滅病毒和細菌。

所以唔好諗住曬完太陽就可以殺曬肺炎病毒啦～！日常預防措施更加緊要架（謹記勤洗手、戴口罩、唔好摸眼口鼻）。

不過人類曬太陽亦可以幫助身體生成維他命D，有助骨骼健康成長，對老人家小朋友都有益嘅～ 不過宜家疫情都持續緊，盡量少出街聚集都比較好～

另外，通常老人家接受信息嘅渠道都比較單一，較易相信所接收嘅信息。身邊如果有老人家都要提醒佢地要小心分辨資訊嘅真偽，最好幫佢地fact check埋呀！

#新型冠狀病毒 #同心抗疫 #共渡難關 #賽馬會 #防疫知識 #抗疫 #傷健共融

現時新型冠狀病毒疫情持續蔓延，已成為全球大流行。在賽馬會緊急基金資助下，路向 “同心抗疫，共渡難關” 項目黎緊將會推出一系列防疫漫畫——「防疫罩住您」，教授大家正確的防疫知識。

除咗所有人都適用嘅基礎防疫知識，我地嘅內容仲會涵蓋不同障別人士的防疫需要，以致不但殘疾人士可知道更多貼近自身需要的防疫知識，健全人士也可以了解更多殘疾人士在疫情中的需要和困難！抗疫也不忘傷健共融呀！

路向社企漫畫台
Instagram @dahse2008 
Facebook 路向社會企業-生命教育企業培訓 & 紀念品廊