Slasher, 你有沒有畀家用?

As a slasher, 總會喺唔同身份當中會遇上千奇百怪嘅人，少不免都會遇上三姑六婆......

我其中有一個身份, 工作環境中有許許多多退休人士, 樂觀咁睇真係卧虎藏龍, 乜人都有, 然而同一樣米養百樣人, 都會有啲千其百怪嘅人, 滔滔不絕一啲令人不敢苟同嘅想法, 而我大部分時間都會扮聽唔明就算（又或者真係入世未深, 聽唔明）。

有日休息時間, 係休息室聽到女士在吹水:

A:啲教會通常都好有錢~
B:緊係有錢啦, 基督徒要十一奉獻（我心諗: 我無添, 都係繼續低頭好了）
A:啲基督徒比錢教會, 咁輪到佢哋無錢嘅時候, 教會會唔會比返錢佢哋先?
B:咁教會會比返其他嘢佢哋嘅, 如弟兄嘅支持....... (註: B是基督徒)
A:唓, 咁即係無啦~ 比錢教會, 教會又唔會比返佢喎!!

（好啦, 我心裡面講, 有啲人係未必能夠明白, 基督徒係財寶係積攢係天上）
然後你會覺得我好耶L, 我知~ 所以我低頭

同日另一段休息時間, 女士發現了我, 其中有一個人知道我之前係辭職讀MA

C: 你完讀書未呀?
我: 讀完啦
B: 唔係讀完好耐喇咩
我: 係呀, 少見佢嘛~ 可能佢唔知
A: 你讀咩呀?
我: 哲學
......
C:咁你係咪唔諗住搵長工喇?
我: 係呀, 暫時都係乜都做吓咁啦~
A: 而家啲後生係咁, 呀xxx個女都係咁（direct quote另一同事個女嘅私事, 我本人略嫌真係有啲八婆）
C: 哦~ 呀xxx個女~
A:佢哋唔係我哋果個年代, 而家啲後生唔洗比家用㗎~
（嗱~ 佢講緊人哋個女, 唔係講我, 所以我決定唔理佢）
B: 呢啲叫斜槓 (嘗試解釋......)
然後A和C花咗啲時間, 都唔明白「斜槓」, 或者唔想明白嘅人係點都唔會明白

不忍見別人無知嘅B舉例話自己認識有啲人做slasher收入多過做full time㗎~
A: 佢係專業人士退休嘛...
(係, 我知我唔係, 人哋個女都未必係...)

遇著呢啲三姑六婆
我通常都係心裡一笑置之, 呢啲嘢真係無咩需要回應, 甚至不值放在心上（甚或寫文章記載）

但見呢啲女士講完基督徒十一奉獻, 但未得到回饋; 之後又認定而家後生做slasher唔比家用屋企
先發現呢啲人思想其實好貫徹。

唔通我有無畀家用, 我又會話你知咩?