用個科幻腦黎抗疫&準備促進經濟復甦(二十一)大規模視像醫療支援及邊境大型生活物資運輸帶
用個科幻腦黎抗疫&準備促進經濟復甦(二十一)大規模視像醫療支援及邊境大型生活物資運輸帶
係香港,視像醫療支援好似本來已經有架啦。但現今艱難情況更加應該加大加碼。
例如:
1.可以經過視像分流重症病人特別通道。就好似前幾兩日,一個完全沒有自理能力嘅婆婆在醫院門口喺沒有合適照顧下睡在排隊床上整日都不能入院,如果婆婆的女兒裝個 apps 可以經過視像通道,有一個流程特辦入院情序,那多好。
2.預約視像初診、送藥、睇中醫、執中藥。咁樣做相信可以同時舒緩輕症及初發病甚至無症狀確診者嘅需要。
3.甚至可唔可以考慮下缐上開具假紙呢類幫助性醫療服務。
4.新冠以外嘅醫療服務又係唔係可以用視像醫療好大情度咁幫返其他病人呢,尤其係冇確診新冠嘅其他病人,可以唔去醫院睇到醫生喺呢段時間好重要。
視像+快遞相信喺主體醫療壓力超大之下可以有很大程度在幫助到徬徨中嘅初確者。
仲有嘅係,呢 D 視像醫療幫助服務可能可以向非公營服務者開放,等私營服務者都可以出一分力,增加全城抗疫向心力。
日常必需品過境,喺多名貨車司機確診下,不單對中港兩地從事邊境貨運人員做成困難,亦對市面必需品造成抬價潮困擾著已經因疫情面對壓力嘅市民。
中港邊境兩地雖然做咗好多重大優化,但好似仍然未能即時恢復昔日供應狀況。用貨船、設立新嘅兩地司機換人接力區域⋯
仲有一個可能幫助好大嘅,搵個適當嘅地方,臨時建立一條(可以廿四小時操作嘅)大形過境運輸帶,只要兩地通關手續完成(尤其係嗰 D 一眼睇得晒嘅菜),就可以掉落運輸帶由內地運過嚟香港,運輸帶兩邊,相信各請二三十人就解決咗問題,貨車司機只要掃碼提返 D 貨(例如菜啦)就唔駛過境啦,係咪會快過船運呢?
作者:有聊得很(manbolo88)
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/c637a8a1-2673-4cc9-9d10-3fc37087a912.jpeg/public)
- 来自作者
- 相关推荐