My little detour - 《唔好咁執著, 有時都要聽下人意見》

今日完全唔趕， 所以7點幾先起身。 本來諗住早少少去超巿買定的乾糧， 再去買埋去San Cristobal de las Casas的車飛就去搭collectivo到Agua Azul。 點知一出大房門口就遇到墨西哥人Omer然後傾起上嚟，佢問我今日會去邊， 我話我準備搭collectivo去Agua Azul。 佢話佢琴日都參加左個團， 去Agua Azul之餘仲去埋Casacada Misol ha， 都係260 peso。 咦！ 聽落價錢好合理喎， 我就咁搭collectivo如果的士司機無食水深要多， 我來回都要160 peso啦! 同埋我唔知嗰到有無entry fee, 咁計落都有著數喎。

於是問Omer係邊間， 佢就去佢房攞左張leaflet比我睇。 喂， 咁熟口面嘅， 咪我琴日經過2次， 但見到Tulum字樣攞都唔肯攞嗰間， 我仲以為佢的團去Tulum添， 原來佢間agent名嚟架🤣。 於是我改變計劃， 先去Tulum報左團先， 12nn出發7pm返到， 真係260 peso 喎。 之後去埋Ado巴士站買明天去San Cristobal的車飛 （346 peso + 10 peso admin charge)。 搞掂晒原來都有成個朝早剩， 所以我決定逛下Palenque。

其實我覺得呢到幾舒服， 的人唔算聚晒係centro, 我仲經過一間燒雞店， 佢地真係用柴火燒雞， 老闆見到我問影唔影得相， 佢話得仲叫我post facebook添😂。佢叫我入去食， 但我望一望錶， 只係9點幾10點未到， 好難搞喎。 咁我話晏的先。

之後繼續行， 經過生果鋪買左兩條蕉諗住晏晝tour時食 （4peso)， 再去隔離鋪買多個包 （3 peso)就做下遊客行手信鋪。 有個雀仔pot真係好靚， 大嘅150 peso, 細嘅120 peso, 勁想買如果我真係寄野返香港的話。 但唔好衝動， 唔寄我咪好大鑊。

之後兜完個圈， 竟然比我係地攤婆婆到買到件衫， 嗰領我好鍾意呀， 一問之下70 peso, 好抵喎。 最衰唔係我想要嘅白色， 但黑色都照殺。 然後我真係返去間餐廳叫1/4個燒雞餐加可樂， 燒雞餐有飯有tortilla, 仲有燒洋蔥同辣椒， 仲要比左兩款sauce我。 店員妹妹仲同我講一輪野， 我懷疑係叫我想refill飯可以搵佢， 再加埋枝玻璃樽裝500 ml冰凍可樂， fit晒。 不過食得太飽， 頭先的蕉同包， 已轉移成為明天的早午餐。

返去之前去多轉超巿， 但無斬穫， 跟手返去叉陣電就落lobby等出發。 個tour接晒成車團友後就向Casacada Misol ha出發， 原來呢到入場費20 peso， 抵晒。 不過呢到本身我無咩期望， ok 嘅， 但唔係好有feel。

再搭多個鐘車就到 Agua Azul, 呢到有2.5 hrs 自由活動時間， 由於無得落水， 於是我主攻手信店， 不過最終空手而回， 只係幫阿婆買左包零食 （10 peso）過口癮。 不過我慶幸自己今次跟tour, 因為collectivo落車要再轉的士， 但我好似出口同Agua azul裏面都唔覺有的士， 團就大把， 所以有時真係要聽人講。丫， 回程的路， 我在九曲十三灣的途上偶遇彩虹， 想影低但影極都影唔到， 然後瞬間不見了， 以為自己眼花， 但我total見返三次同一條彩虹呢😊

返到hostel去埋廁所收埋衫，仲見到有asian face的新roommate， say左hello 又出去超巿買多個包， 啤梨同果汁， 最後只有個包是留得返明天🤣。

差唔多時間去煮埋個晚餐就返房， 點知返到房就同韓國人京燁傾起上嚟。 佢係大學生， 自己去墨西哥旅行一個月， 但途中變掛， 所以報左明天跟travel agency車去Tikal, 睇佢喜歡的瑪雅遺址。 我地竟然係到傾傾傾， 由牛、信、年紀、旅行、背景、對中國睇法係咁講， 講到差不多十點我去沖涼先醒起我未食藥。 食完藥再傾， 大家都係明天早車， 我地一路傾一路執， 最後12點幾先上床瞓， 而由於韓國人話我知Oaxaca7月22日有個mexico festival 同7月29日有個唔知咩鬼節， 搞到我走左去booking.com睇住宿到差不多一點， 但因為熄晒燈， 所以咩都未訂。 不過臨瞓前京燁醒起佢剩太多peso, 佢問我係到點樣money exchange, 我話有時rate好d就暢錢， 有時ATM, 有時簽卡。 不過其實我點都唔夠cash, 我就叫佢暢d比我。 最後我同佢暢左4000 peso, 比返US$208佢， 不過我覺得佢用apps嚟計rate佢會好蝕， 但佢唔記得自己嗰時暢錢時個rate幾多， 所以無所謂喎。其實佢仲有6xxx peso淨， 佢話佢7月22會去oaxaca, 我話如果到時佢洗唔晒就暢比我啦， 因為我點都會因為個節日而去🤣

呢間hostel會日日換wifi password同床單， 幾勁。

已用：772 peso 

260 peso Agua Azual & Casacada Misol ha tour

356 peso bus ticket to San Cristobal de las Casas (debit card)

4 peso 蕉

3 peso bread

70 peso clothes

50 peso 1/4 雞肉餐 + 可樂

10 peso山上零食

19 peso 果汁， 啤梨 & 包