OASIS是我們想要的世界嗎？

Ready Player One 電影小雜燴

這文在2018年4月18日在Medium上發佈，剛來到Matters不久，所以選擇了幾篇舊文轉過來，順便測試Medium搬家到Matters功能。

星期日睇完Ready Player One之後，腦後一直殘留一點思緒，但又唔係好觸摸到究竟係乜，小弟嘗試在此解釋。

— 開始劇透 —

幾年前已經睇過Ernest Cline既原作小說，仍然好記得當自己認得書內的Pop Culture Reference時候，嗰種興奮既感覺。睇戲見到《回到未來》架DeLorean、King Kong、春麗、Tracer、Master Chief、RX-78-2高達、機械哥斯拉、Gears of War入面支Lancer等等的時候，都有同一種腎上腺素激增既感覺。

呢個感覺係我作為真實世界的一個人，觀察小說/電影內的另一個時空的反應。但如果活在Ready Player One/OASIS的時空裏，我又會有同樣的反應嗎？如果你活在這個時空裏，你又會做緊乜？

你會唔會住在和主角Wade Watts一樣的貧民區裏？你會唔會做IOI在虛擬世界內的奴隸？你會唔會在OASIS內玩twitch直播？你會唔會當James Halliday神咁拜？你會唔會成為「獵蛋」一分子？

香港人好鍾意講「大部份人乜乜乜…」，我認為OASIS內的大部份人，都是Ready Player One故事沒有提及到的其他人。在整個Ready Player One的故事裏，都是描述世界裏其中一班玩家、James Halliday和一間大企業的故事。

你可能會話，邊有可能一本小說/電影描述晒成個時空入面既野？無錯，其實我講呢堆野都係想大家諗吓，如果你係嗰個時空既人，你會做緊乜。

小說和電影最大的分別在於OASIS的經濟概念：在小說裏似乎沒有提及OASIS內的貨幣在現實世界內有沒有金錢價值；反而在電影的OASIS裏，你可以賺取OASIS「金錢」。當任何玩家取得鎖匙後，亦會得到大量OASIS「金錢」。這些「貨幣」是可以購買現實世界上的物品，例如主角Wade Watts買了一套新的Haptic Suit。

換言之電影內的OASIS貨幣是有實際的經濟價值，虛擬貨幣、實際經濟價值... 係咪覺得好熟口面呢？

電影講述好多人都會在OASIS「逃避現實」，因為現實世界有很多災難。不過電影非常強調現實與虛擬世界的關係和分別，相對下小說中呢種關係沒有電影來得強烈。

我很喜歡電影中的一個情節，是Wade Watts同Daito要脅Nolan Sorrento一幕，Nolan連自己在現實或虛擬世界也分不清楚。

相信不久將來我地都會體驗到呢種分辨唔到現實虛擬既感覺，甚至可能成為一種精神病、一門專門的研究。

思緒有點混亂，亦寫得好混亂。最後都係重覆一下題目，OASIS是我們想要的世界嗎？

感謝閱讀，如有錯請指正，希望搏到你既虛擬掌聲～