早前，舊同學發了張照片過來，多年不見，他的外貌身形變化不大。

「幾好呀，仲有好多頭髮喎！」

其實他已男人四十了，都已有一子一女了，但看上去卻真的還依舊年輕。

男人有頭髮、少頭髮、沒頭髮，可以令目測年齡相差很遠。

當然，身形和皮膚也很重要。

我這位男同學至少沒有如另外幾個男同學般被我媽咪點評為很「佬」，一陣「佬味」的「佬」。

頭髮呀，就是因為少了幾根頭髮。（約數啫，梗係唔只少幾條啦）

你的髮線如何，你的自信便相反？

髮線高 ＝自信低？
髮線低 ＝自信高？

你的頭髮有多少，你的自信便有多少？

頭髮多 ＝自信高？
頭髮少 ＝自信低？

Hey gentlemen，是這樣嗎？

髮線高低的定義
1. 用手指濶度量度額頭（由眉毛至髮際線）高度
少於三指寛 ＝ 髮線偏低
多於四指寛 ＝ 算高額頭了（灰？）
2. 由眉毛至髮際線超過 7cm 
（參考下啫，人人手指粗幼又不同嘅）

我常常覺得很不公平。

女人的身形，即使穿了衣服還是會被看得出來（當然真相中的底細還是要驗身才知道）。

但男人呢？男人的那話兒隱藏於褲內，尺寸如何無人知曉（男人去公廁應該唔會裝隔離啩？定會？），變相就少了互相比較的尷尬或被別人評頭品足的壓力。

做女人真不容易，有幾多個女人胸前沒有兩大團脂肪又可以自信滿滿？

上回《女人的乳房》提到，女人胸前的兩團脂肪縱然有衣服蔽體，終究還是難逃別人目光，大小圓扁總被隔着衣服照 X 光一樣透視着，如果對自己身形沒信心，自我形象多少都有點受打擊。

男人嘛，卻沒有這種煩惱，我們女人隔着褲檔看不見你們的尺寸。

很不公平吧？

遮掩不了

可是，男人雖然平日可隱藏那話兒，頭髮卻不能遮掩。

總不可能如側田那樣日日日日月月月月年年年年戴住頂 Cap 帽吧？

萬一有脫髮問題，男人可能比女人更慘？女人如果平胸，都還可以穿個厚墊胸圍、鬆身厚料衣服半遮半掩；

男人如果脫髮怎麼辦呢？

若然還有一點頭髮，梳頭就要左梳右撥又 gel 又噴，盡量遮蓋脫髮位置，製造豐盈的錯覺，令看起來還算有點頭髮。

若然真的已所餘無幾，那就只有每天硬着頭皮、帶着「光明頂」出門去。這時候，要怎樣才能保持自信？（那些自信的人，沒有頭髮都總會有自信）

脫髮 VS 不舉

Q1﹕問身邊朋友，作為男性，如果讓你一定要在以下兩項二選其一，你會怎樣選擇？

A. 脫髮

B. 不舉

我以為一定所有男人都寧願選「A. 脫髮」，也不願選「B. 不舉」，怎知道雖然選「A. 脫髮」的比較多，但亦有人會選「B. 不舉」。

寧願「脫髮」也不願「不舉」的男士，一般都認為自我性能良好對心理上的自信與生理上的滿足都很重要，亦是男人能力的象徵；而且覺得無頭髮還可以剃光頭、戴帽、戴假髮、植髮，權宜之計很多，亦有人相信有型的人光頭還是有型（但有無諗過自己未必真係咁型先？）。

（有無覺得呢，鬼佬光頭係好睇過亞洲人 10000 倍？）

至於寧願「不舉」也要保住頭髮的男人，則表明自己特別重視外表與世人的目光，畢竟不舉不用公諸於世，只有伴侶才知道，亦可以想辦法尋求醫治，但光頭卻要每日照鏡面對自己，以及面對周遭眾人眼光。

「我嘗試過去揀，

1. 雄禿

2. 早洩

都係一樣難㨂」

（總有啲人係內心好糾結，揀咗 24 小時都未答到我）

女人的選擇

同一條問題，如果問女人，女人又會怎樣選擇？寧願另一半無頭髮還是無能力呢？

Q2﹕問身邊女性朋友，如果讓你為自己的男人二選其一，你會怎樣選擇？

A. 脫髮

B. 不舉

女人亦是大比數選寧願脫髮，原因不用多說啦！

嗯，似乎無能比無頭髮更慘，都是「男人最痛」吧？

男人最痛算哪種？

說來說去，覺得男人有很多痛處，除了脫髮和不舉，還有「已經係一個壞咗嘅人」唱過的《男人最痛》那種「帽事」。對男人來說，哪樣最痛呢？

Q3﹕以下三項「男人最痛」，哪一項是痛中之痛？

A. 脫髮

B. 不舉

C. 帽事

（呢題除咗係選擇題，都仲可以排下序）

作為一個女人，代入自己係個男人，我都唔知點揀好。
A. 脫髮
日日都要照鏡見到自己，我係咪可以無頭髮都仲有自信呢？都可能得嘅，用髮型補救或剃光去，再操到自己Fit啲，同 keep 得自己 decent 啲，衣着打扮講究啲，我應該可以勝過脫髮呢個難關！
B. 不舉
即使我唔係男人，都想像到如果我係男人的話，性能好唔好真係對自我形象有好大影響，我應該都寧願無頭髮都唔想自己唔得。醫學昌明，係咪有醫生可以救到我？
C. 帽事
唔得呀！唔可以呀！萬萬不能呀！同好 hurt 囉！
好啦，假如我係男人，我嘅「男人最痛」排係「C.帽事」>「B.不舉」>「A.脫髮」

一寸丁丁一寸金

有聽過以下這宗新聞嗎？

美國 41歲男子 Keith Burchell，2014 年因為下體長出腫塊，到醫院進行檢查。醫生擔心病情惡化，在未經事主同意下，擅自將其陰莖切除。後來化驗結果顯示有關腫瘤屬良性，事主憤而提告，近日成功獲賠償約 900 萬美元（約 7000 萬港元）。

嚴重醫療失誤！醫生竟然未問准過病人就切錯丁！

「出錯一丁」盛惠 7000 萬！真是一寸丁丁一寸金……

「估約….一寸一千萬」

Q4﹕那男士們，如果給你 7000 萬切丁，切還是不切？

A. 切！7000 萬喎！

B. 不切！丁喎！

大部分男人都要丁不要錢， 7000 萬在眼前都不會要（可想而知醫療失誤事件中的男事主真的很慘！）。

反而同看這單新聞的女性朋友們大都表示﹕

「7000 萬！子宮可賣！」

女人真的和男人很不同。

Q5﹕那女士們，如果給你 7000 萬切子宮，切還是不切？

A. 切！7000 萬喎！仲唔使再 M come！

B. 不切！無得生仔又老得快啲喎！

雖然講係咁講，身體健康要緊。
雖然唔打算生仔，但又未至於想賣子宮。
雖然都想要多啲錢，但又無諗過要7000萬。
我呢，得把口，應該有錢俾我都唔敢賣。

原來脫髮都有很多種

- M 字型脫髮（M 額）

- 口字型脫髮（係咪張建宗？）

- O 字型脫髮（地中海）

- 綜合型脫髮（咩都有咁）

如果我是男人，我估我會寧願選 M 額，至少除了 Jude Law，也有見過其他人物是 M 額但有型，如比達；而我亦有喺電視上見過肥仔宗，口字型好肉酸啫。

這個又難選擇嗎？不過其實真正發生時，根本輪不到你選擇。

Q6﹕如果可以選擇，你要哪一種脫髮？

A. 比達式 M 額

B. 肥仔宗口字型脫髮

C. 地中海

維護男人的尊嚴

其實，頭髮對女人來說都一樣重要。

還記得我說過女神都有一把長長秀髮嗎？

頭髮會影響外觀，外觀會影響自我形象和社交生活，女人如果有脫髮問題，一樣會很困擾，一樣自信心受挫。

只是上天似乎不公平地讓脫髮問題圍繞住男性，而且大多跟遺傳有關，無力感很重的一回事。

認識不少男性朋友十分着緊一頭煩惱絲，不但不會隨便染髮電髮，有的會盡量不 Gel 頭，減少化學物質傷害頭皮及毛囊，有些更會不戴帽、不吹頭，避免頭髮日曬和雨淋等等，總之出盡法寶護髮！

每一條頭髮都是一絲尊嚴！守得住髮線就守得住自信！（哭）

Q6﹕如果真的有脫髮困擾，你又會怎面對？

A. 佛系不理，我咩都睇唔到

B. 盡量遮到就遮（梳頭遮住、戴帽）

C. 剃光頭

D. 戴假髮

E. 植髮

我應該會係 B then C，如果有錢就可能 E。
但我做唔到佛糸 A，除非屋企無鏡同一世唔照鏡。

白頭髮

間中會發現自己頭頂冒出一條半條白髮絲，但整體上仍算未有白髮，以家父十多歲已很多白髮來說，我算是小幸運了。

雖說脫髮問題對男人來說不公平，但白頭髮這回事之上，男人又勝回一仗。

總覺得男人有些白髮也很型，整頭銀髮也好看。

男人有白髮也不算特別顯老，反而增添兩分滄桑感，有歷練的男人更具魅力。

但女人有白髮就明顯地感覺老了。

雖然也有例外，但正如不是每個女人都可以駕馭短髮，也不是每個女人都可以帶幾條銀絲仍然好看。

不過，如果是個美女，皮膚、身形都保養得宜，或者又有另一番味道？