My little detour - 《其實快樂很簡單》

2022 年 4 月 6 日

17 Jul 2019, Wed (Day 49 晴， San Cristobal de las Casas, Mexico)

琴晚瞓得好好，終於無因為驚整親傷口瞓到輾轉反側，原因我發現其實平躺係唔會整到傷口的。今朝9點幾先正式起床，梳洗完出去買包同曲奇做早餐，丫，咁鬼馬仲有92折添（9 peso), 再烚埋食淨嗰兩隻蛋同免費咖啡，極其豐富。

食完早餐食埋最後一次抗生素就執埋的剩餘物資check out了。其實呢個hostal都唔錯，一嚟平，二嚟熱水夠熱水壓又夠勁，真係好難搵。我懷住期待又緊張的心情搬去Mi Casa Tu Casa。果然係我上次探路見嗰間，當我想入去時，咦，門鐘都無架喎！好彩有個人坐左係花園，我唯有一句hola引佢注意，好彩佢聽到仲叫左hostal主人嚟應門。

呢到果然係private hostal, 只係開業左兩星期。佢哋話本身只招待韓國人，但見我有人refer先比我入住咋，嘩！實在太榮幸。三晚stay合共450 peso, regulation方面係韓文我睇唔明，所以佢講解最重點我知，就係規定9 點要準時一齊食早餐，好特別呀！另外幸運之神忽然眷顧我，由於dorm滿座，我upgrade左去單人房，發達了。佢地好好幫我一人攞一件行李由mi casa搬去tu casa, btw, 呢到街外鞋唔踩入屋的，佢地預備好多拖鞋比人室內著。由於間房太舒服，我hea 到成點先出去。

由於我無諗住再去San Cristobal以外嘅附地方，所以每日都係悠悠閒為主。我今日又決定亂行，行過洗衫鋪問左價錢， 10 peso 1 kg都可以喎，係時候為我的衫嚟一次大洗。之後求其入左間cafe好chill咁飲左杯朱力（15peso), 但我覺得第一日飲嗰杯好味d。

繼續見鋪仔就行，又睇中個細袋仔，佢標價75 peso, 我還價50 peso, 諗住買唔到就算，點知佢又肯喎，又加重左負擔添。繼而亂打亂撞竟然比我撞左去amber museum (25peso entry fee）。如果比我再揀，我應該唔會入，因為展板係西班牙文only, 但其實佢都窩心嘅，預備一個英文譯本大膠folder比我，但我唔想攞無要到，所以睇唔明，只係睇下展品就算，而我行完見佢有假amber demo, 但無解下㗕解點分真假囉。

之後行過小菜檔，買左個local 牛油果（8 peso) 同辣椒仔（1 peso), 再到另一檔買左蕃茄蘑菇洋蔥意粉蒜乾辣椒石榴都係28 peso, 好平喎。

再兜左陣就去埋超巿買雞肶同果汁（29.5 peso), 個收銀找少6.5 peso比我，其實7先啱，因多數4捨5入，但算啦，唔好咁小家。返到去見人煮緊野，諗住hea陣再煮。

到6點幾時見佢地仲煮緊，原來佢地整緊kimbap, 可能見我孤苦伶仃又掛住亞洲食物，佢地叫我join 一齊食，其實我唔係幾好意思，但又想join, 唔理了，我都係乖乖等食好了。其實想話做返的野，但佢地又好客氣咁唔比，真係世人都待我太好。阿jay仲見我眼望望的檸檬漬，問我係咪想試， of cause, 好好味呀，佢自己整架。食完仲要唔使我洗碗，然後仲唱k跳舞，我當然只係坐低搖兩搖，雖然佢地講韓文，但見佢地對話就算唔明都enjoy架喎🤣