#Day 3 - 拉錬袋

每次去店鋪掃貨，包裝袋伴隨貨物到包裝到批發到零售到屋企，轉眼就完成任務

我之前都無想太多洗乾淨就回收。不過有啲袋入面有金屬層，實在回收唔到。之前聽人話有地方收，但親身去問過，話無回事...

而近年，就發現包裝袋越出越好，封口既順滑程度什至超越特登買既保鮮袋，好正，所以引起我重用又重用既意欲😅

我特定去查下呢啲膠袋既材料，但實在喺膠袋上面係搵唔到資料... 我去淘寶搵廠商商資料，大概係PE或者係PET。而自己買既保鮮袋，就有注明係PE。其實兩者都係普通用既安全材質。

拉鍊袋重用，我主要用嚟分裝凍肉，放急凍常備菜/煲湯料（煮熟菠菜，牛蒡，粟米粒，粟米，粉葛）...

再嚟就係一啲藥材，通常買大大包，食到一半，就轉成小袋。

曾經試過用包裝袋袋肉雪過久，包裝袋會碎裂😅所以，轉成包裝袋都係提醒自己，要首先食用。

只不過重用拉鍊袋會出現晾曬的問題😅我專門設置一迷你晾衣桿嚟晾膠袋和抺布😅的確不太美觀... 不過呢，連收納界既女王近藤麻理惠都講，廚房收納首要既係功能性，而唔係美觀性。所以... 都係勤力啲晾乾完就要收囉😅

暫時一個拉錬袋大概可以重用2次，之後亦可以回收。所以佔一日既丟垃圾量為0