狂想科幻應用系列（五）唔好意思！又係佢呀！阿南得真係「神」成咁！又中啦！不過咁，可能「佢」更加重要！

狂想科幻應用系列（五）唔好意思！又係佢呀！阿南得真係「神」成咁！又中啦！不過咁，可能「佢」更加重要！

12月10日⋯美國⋯大災⋯

雖然唔係正日，爭一兩日都算神準無比架啦！

連環三十幾個龍捲風，掃平成個城咁大嘅範圍。係掃平！望落去慘過311海嘯！

歷史上未試過，邊有聽過三十幾個龍捲風一齊嚟！真係人都癲！

真係準成咁！都仲未計隻「痾米狂」，今朝阿昌叔仲話逃逸得厲害添，好似話最勁嘅 BNT 打兩針都得返七成⋯天啊！痾拔甩啦呢次⋯咳唔⋯唔好意思，激動咗！

吠陀占星術對疫情嘅預測點解會咁準有聊得很仲喺庶研究緊（有聊得很未諗到就話未諗到，冇理據就唔會亂咁吹）。但係吠陀占星術的確對極端天氣能準確預測（係有理有據嘅，喺前幾集嘅獻給哈勃的退休禮物詳細分析過就唔重覆啦）。

不過吠陀占星術未能分析全球暖化對極端天氣嘅影響，今次科學家終於注意到「佢」啦！

邊個「佢」！？！

係「水蒸氣」。有聊得很老老⋯老早已經提出過啦。

今次美國經過三十幾個龍捲風災難之後，科學家終於提到「佢」啦！

原文係咁的：

歷史上從未見過一次過出現三十幾個超級巨形龍捲風係因為⋯

極之不尋常嘅「溫度」同「濕度」引起嘅！

「溫度」就唔駛多講啦，人人都知架啦！全球暖化嘛！細路仔都識講架啦！不過有聊得很有責任再講一次，全球暖化唔等於溫度一路升，而係反復上升，仲會越來越「反復」。請注意，「反復」重要過「上升」。

即係話，氣溫係忽冷忽熱甚至暴冷暴熱地反復上升。

另外一個科學家好似係先前好少提嘅「濕度」，就係先前有聊得很喺獻給哈勃的退休禮物裏面提及嘅「大魔怪」——水蒸氣。

講到全球暖化，好多人都只會跟人講，咩咩氣溫一路上升啦！咩咩仲有一點五度就死得啦！咩咩碳中和！咩咩減碳排放⋯

有聊得很再喺呢庶講多次：

咁多句，有聊得很淨係完全同意減碳排放架啫！

碳唔係要中和，科學家大幅低估咗全球暖化嘅影響，詳情喺狂想科幻應用系列（二）全球暖化理論可能缺少咗兩塊奇怪拼圖至使影響被大幅低估了講咗啦，唔重覆啦。所以碳係要減而唔係要中和。

注意：係要減依家嘅實際用量！而唔係減用嘅加速率（就係因為好多人以為係咁所以先有「碳中和」呢個咁笨嘅詞）。

一點五度更加係笑話！科學家大幅低估咗「水蒸氣」呢隻魔怪嘅後群影響。所以如果人類再唔立即逆轉用化石燃料嘅趨勢，唔駛等一點五度，將來一定會連綿不斷咁後悔！

至於氣溫一路上升，上面講咗點錯啦。

全球暖化唔單止要立即剎止！甚至要逆轉，地球先有得救！

地球媽媽，可以講嘅我都講咗！仲係做得唔好嘅！對唔住啦😭😭😭

作者：正在轉化ing IQ 博士型中的有聊得很