IPFS 指纹 这是什么
「想見你」
「想見你」呢套劇可以話係台灣近年難得一見嘅鉅作，完全跑贏所有韓國劇集。
劇本主題包括”穿梭時空” + “浪漫愛情” + “推理懸疑” + “復古情懷”，觀賞值非常高
劇中一眾演員演技非常精湛
柯佳嬿 - 飾演黃雨萱/陳韻如
許光漢 - 飾演李子維/黃詮勝
施柏宇 - 飾演莫俊傑
顏毓麟 - 飾演謝宗儒/謝芝齊
每個人飾演多個不同時空，不同性格，不同神緒，不同情感的角色，演技自然流露，實在嘆為觀止
另外值得大讚嘅係成套劇嘅拍攝技巧，拍攝角度，顏色配搭，背景音樂，場境嘅佈置擺設細節都好花咗大量心思去準備。
每一幕畫面都係藝術作品，Form, Subject Matter, Color, Abstract四大原素都有齊。
呢套劇可以做到將觀眾帶入每個時空和角色情感入面，為精神疲累嘅香港人帶來一點精神慰藉，陪伴黃雨萱穿越時空去到與世無爭嘅1998年，感受一d已逝去嘅情懷和純樸嘅愛
另一個好正嘅位，每一集開頭都係用”Track” 去介紹主題，整個主體環繞住已經沒落嘅錄音帶去鋪排
睇完套劇之後，其實都咪話唔失落，成個人好似突然無咗三個好朋友咁嘅感覺。
每日出街都會聽住伍佰嘅「Last Dance」，希望可以有機會可以穿越時空改變呢個比電影更荒謬嘅現實世界
本文轉載自 ‘智慧社區 Wise Community’ Facebook 2020年6月14日貼文
