【怪癖關燈少年在公園玩何仔公】在快樂與悲傷都寫在我們的臉上的那些時代裡我們不需要去隱藏我們的情緒

「在快樂與悲傷——都寫在我們的臉上——的那些時代裡——我們不需要去隱藏我們的情緒。」

我幫我男朋友改了個暱稱：關燈精靈。在開始拍拖的前一晚，我問他有甚麼怪癖，他想了想：轉筆。我頓了幾秒，頂你咩，個一刻有兩種心情，一種係想話佢講大話，一種係想笑佢帶咗我翻中學MK時代，轉筆當怪癖都真係幾有怪癖嘅答法，最多咪叫做懶型。

後來認證到佢所答嘅冇錯 ，只係我太睇少佢嘅轉筆喇，失敬失敬。除咗佢嘅轉筆，仲有另一個估佢唔到嘅怪癖——關燈本能——每逢關門都會關燈。左手開門左手關門，右手開門就右手關門；右手關門左手扶牆，扶牆掂掣就順手關燈，好似痴左線咁，我由漆黑中一副無奈樣默默開翻燈到到練得一招喺佢一掂度門就率先黯住個掣。都幾好玩，順手牽強。我相信人類原本是不帶這種本能的，絕對是後天建成。有聽過捉迷藏遊戲嗎？有冇聽過何仔公？遊樂場玩的可能就是社會縮影裡的縮影。我躲你捉，我追你打我逃，有日我捉到機會又俾你捉到路，最慘是，這場角力我在明你在暗。我在捕風捉影，你就有天羅地網。

在太過現實處，竟許以童心捉迷藏，這就是我低估了他的怪癖。「何～～～魔！術！師！」香城公園，SIR滑梯與大象搖搖板天地間一義難求，不得不叫公園保安把燈關，這樣，藏身在甲蟲膠堡壘之中的小朋友，對付另一方小朋友的貝殼特攻隊又有多一重防守啦。「在快樂與悲傷——都寫在我們的臉上——的那些時代裡——我們不需要去隱藏我們的情緒。」拿，不過佢數十聲之後我哋要好好隱藏自己，唔好俾人捉到啊！點解？

唔係猜輸咗，或者做錯嘢驚媽咪打要匿埋啊，係「莫須有」要匿㗎嘛。何仔公就何仔公，上捉上下捉下，邊度有點解。「十！」開始數啦，拿拿聲覇咗海盗船艙底個靚位佢！

（註：題及文中歌詞「在快樂與悲傷——都寫在我們的臉上——的那些時代裡——我們不需要去隱藏我們的情緒。」摘自 老王樂隊的 安九）