My little detour - 《7.5星期後, 終於動身》
今朝一早起身準備, 食埋兩隻蕉就去睇下琴晚洗嘅衫乾唔乾。當然...唔係全部都乾, 但都要照pack 啦! 搞掂埋的嘢 (包括叫Eva幫我食埋的米同2隻蛋), 再放低埋Q30租, 諗住去埋廁所走人。 點知Mai好鬼sweet咁送左pack沖熱朱力的chocolate bar比我,仲加多封信, 真係好感動!
![](https://assets.matters.news/embed/b5b3192e-139b-407e-9e34-e95c19a24655.jpeg)
![](https://assets.matters.news/embed/1c84c8ca-4870-4a66-b663-1f79c8c62337.jpeg)
8:40am出門口, 本來都諗住搭車去巴士站。但等車、上落諗起都煩, 所以最後行過去就算。中途仲經過Xelapan, 買左我想試左好耐的蛋治餐 (Q10),佢個包仲有紙盒加保鮮紙包,又熱又衛生, 雖然其實我都係一路行一路食。
![](https://assets.matters.news/embed/eb82e3e5-4939-4e86-9dcb-912758944723.jpeg)
![](https://assets.matters.news/embed/40188996-db20-441a-8f7a-7c9334a46dec.jpeg)
去到巴士站, 我大概知位置, 有人走埋嚟問我係咪去San Pedro。我話唔係, 我要去Panajachel,但想要直達, 點知佢話佢嗰架係...我有上網search過架嘛,當然唔會信。 過無耐就搵到flor del paisaje, 我將個backpack交比佢, 但佢無選擇放車頂, 只係隨意放車尾, 都好嘅, 唔使日曬雨淋囉 (Q25)。
![](https://assets.matters.news/embed/280783bf-2edc-4ba0-88b9-6dd07ce408d2.jpeg)
![](https://assets.matters.news/embed/07d6898a-4141-426a-8ec7-e33c5bfa44f8.jpeg)
2.5 hours後終於到Panajachel,無耐仲有一個著住唔知咩鬼tourisim的tee嘅人跟住我, 知我想去San Lucas後一直跟住我。 由於覺得呢的成日借的意呃錢, 所以話佢知我自己搵ok,佢又話係自己工作。 咁好啦, 入正題, 問佢去San Lucas嘅船幾錢, 佢竟然夠膽答我無直達, 要先去其他六個島先可以去San Lucas。佢應該真心覺得我似羊牯, 因為佢哋每跳一個島要Q25, 即係total要Q150。 我再問佢無直接到San Lucas咩,佢答我無, 唯一方法只可包船, 仲要係Q250。 我話太貴, 佢叫我自己查,都廢事理佢。 最後當然是有直接船 (Q25), 真係搭15分鐘到。
![](https://assets.matters.news/embed/1ca30dd1-8b4e-4b83-b1fe-f9b033d3b31c.jpeg)
![](https://assets.matters.news/embed/4c431810-9ed6-4a99-9149-1ff5a5bc7dd5.jpeg)
![](https://assets.matters.news/embed/1418c063-5c75-4e15-8e6f-da2da16e37d6.jpeg)
![](https://assets.matters.news/embed/c63ad45a-0f58-4a3c-bd64-ed63b6d0143d.jpeg)
![](https://assets.matters.news/embed/f851cdc3-b574-4bcf-a2fa-069050d05a00.jpeg)
![](https://assets.matters.news/embed/334a828b-fbc0-4549-93d6-92a23668b82d.jpeg)
落船後找住宿, 跟住maps me行, 明明已到但都搵唔到。 咁啱有人出嚟我便拉住佢問一下。當時剛好落狗屎, 佢勁好人咁開左湖邊的閘比我避雨,原來呢位伯伯係喺到打工嘅。 停雨後便繼續行, 屋是找到了,但咩人都無。在屋外問人及打電話都試勻晒但不得要領。等左個幾鐘後覺得真係唔係路, 於是放低大packpack出去左hotel 借wifi。
![](https://assets.matters.news/embed/9e1b9c1e-1290-40b3-95e3-27586500bad5.jpeg)
![](https://assets.matters.news/embed/aef83591-1ab5-4722-bf33-80f84292a641.jpeg)
![](https://assets.matters.news/embed/13197d3a-2b7c-4f57-85cc-5db07d51f433.jpeg)
![](https://assets.matters.news/embed/0bf49667-3a34-4b14-855f-81324ac1950d.jpeg)
個staff勁好比我用, 為報答他, 我唯有去佢哋的餐廳飲杯朱奶 (Q15)同去廁所。 埋單時順便問下佢哋識唔識Marcelino,佢哋唔識但搵左個人幫我,真係好好人。佢哋幫我打左n次電話後終於有人聽,仲話我知已有人在homestay等我。於是雞咁腳返去,佢竟然比我揀住張平房或者主屋內的一間房。 最後我揀入主屋住, 因為有齊廁所廚房。果然唔錯, 今晚間屋我一個人獨霸, 正!
![](https://assets.matters.news/embed/46ddcf7c-2a22-4ef1-b846-657c33c67353.jpeg)
![](https://assets.matters.news/embed/cbd02b3c-9e29-4bcd-87e6-9308d7da82c6.jpeg)
![](https://assets.matters.news/embed/8d47164f-3489-4abc-a9c6-27c1bfd2b78c.jpeg)
![](https://assets.matters.news/embed/bb3a2a0f-70f6-4d85-9e47-546dd3b76b60.jpeg)
![](https://assets.matters.news/embed/543936fd-8c4e-4611-a72b-477329fd1d58.jpeg)
已用:Q225
Left: €570.26
US$532
Q1188.9
Q30 房租 entre mundo
Q10 xelapan 早餐
Q25 bus to panajachel
Q25 boat to san lucas
Q15 hot chocolate
Q120 room rents for 4d3n
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/cd279d19-67e4-49f3-b1f0-6818c4999f38.jpeg/public)
- 来自作者
- 相关推荐