教協，支聯會，各種組織被解散後如何？

一個一個組織被解散，我地好嬲，又好驚，又怕公民社會消失，而家出來，又可能599G﹐NSL。真係要敞平等佢加速車毀人亡？

對家不停解散公民社會的目既好明顯，除咗打散人際網絡，減少民眾組織力量去對抗佢，仲有孤立每一個人，令大家遇到困難時，感到無助，只可以靠佢，令佢成為每個人不可或缺的存在。

要打破以上的困局產生的恐懼，除咗思考外，我們要行動，同埋唔係果D話而家係走難，係文革2.0幫對家散播恐懼的行動。

大家試想想，對家不停打散組織，人際網絡，其實等同話比我地知，佢自已既弱點就係呢D野。記唔記得19年運動爆發點係咩？係各種既聯署，正所謂人多就唔驚，當大家見到各校的聯署人數就知自已所信並不孤單。

改變現在當然要參考過去成功的例子，唔通每個組織解散後又係聯署咩(反對政府XXX﹐10萬人like俾政府睇) ？不過我的建議其實差不多，但係行多少少，利用聯署去加强人際網絡，最重要係加入民意授權制度去做睇下有冇可能有後續行動。

就以政府解散支聯會為例子，民間要有人自發開一個Facebook MeWe Page/Group叫(e.g 反對政府解散支聯會)﹐但係個Page/Group係唔會有任可行動綱領，第一個post係21日內選出新Admin﹐由參加者自推，及投票基於join group人數決定新Admin人數(如每千人一個Admin)﹐在限期時開山Admin公報結果及轉ownership俾勝選者，之後remove 自已 admin right。

之後個page/group 點run, 定冬眠，由選出admin們去決定，這種網絡，可能同聯署冇分別，但係加入授權機制，應可以創造更多可能，而我相信在鬼滅之日前後，各個Page都可以發揮作用。