電影 - Oppenheimer - 奧本海默

呢個故仔就係話俾你聽，無論你有幾叻溝女，你嘅事業做得有幾好，都唔代表你可以面面俱圓咁啱人緣，得罪咗啲小人，就算你冇講過啲乜嘢都好，你都一樣會踩着佢條尾，搞到你身敗名裂。

不過咁都算大快人心，因為嗰條友都一樣咩都冇晒。

佢嘅生平學説知多啲，趣味就多啲，就算知得少係咪唔睇得？又唔係喎，因為知得少淨係睇人性轉折都夠你消磨。

三條時間線交叉，導演仲驚死你睇唔明，其中有條用埋黑白色添。三個鐘冇冷場，精鍊對白都夠你再三回味，文戲一樣拍到動作片咁，緊張到呢。

“Who want to justify his life?”

正如杜魯門話齋：「有邊個知係你做𠺢，咪又係話我。」

成套戲最令我驚喜嘅其實係個場赤裸私隱被揭，兼且老婆大發神威果幾場戲，好精彩，兩位女角好正。

好睇，勁推薦。