獻給哈勃的退休禮物（第二季——續航至宇宙邊緣）（二）在四維宇宙進行宇航從來沒有簡單過。

獻給哈勃的退休禮物（第二季——續航至宇宙邊緣）（二）在四維宇宙進行宇航從來沒有簡單過。

我們去旅行，意識上，多數都用三維度去想去感受，就好似中環放工去銅鑼灣購物、去尖沙咀睇戲甚或去南丫島食海鮮⋯呢 D 都算係三維旅行。

咁⋯四維度係乜呢？

愛因斯坦話第四維係時間，太復雜嘅四維好難明。試下用簡單一D嘅例子睇下⋯

其實，日常生活都有四維度旅遊嘅經驗，只係我地不知不覺冇留意啫⋯

眾所週知，英國時間比香港遲咗八個鐘，即是說，如果香港時間係晚上八點，同一時間，英國就係中午十二點。

如果我地搭飛機去英國，如果單單考慮東西方向，隻飛機喺空中就算唔向西飛（當然仍然要向北飛啦），等個地球自己轉八個鐘，都一樣可以去到英國，因為個英國自己轉埋你庶。反之，英國返香港，係個地球一路跑，你隻飛機一路追⋯當然，飛機一定飛得快 D 。縱使係咁，英國飛返香港嘅航程一定比香港飛去英國嘅航程用長 D 嘅時間。

即係話，如果考慮到三維空間隨著時間變的話，你的旅行，就可算係四維度旅行了。

當然啦，簡單嘅就係咁簡單，復雜起上嚟又可以幾復雜固喎！

例如，如果想實體旅行到宇宙邊緣⋯有聊得很覺得係非常唔係一般的難！

點解！？！

因為宇宙正加速澎漲⋯如果仍然相信相對論的話。理論上，無論你起始速度有幾快，越飛得遠（或越接近宇宙盡頭），你就越追唔上宇宙澎漲嘅速度，除非你又可以不斷加速⋯但係，相對論又話你聽，你加速至越接近光速就越難加速喎！

咁樣⋯結果，會唔會即係話，無論你飛得幾快，永遠都追唔到正加速往外澎漲嘅宇宙邊緣呢？（呢個問題幾有趣，我埋尾嗰幾集先慢慢玩下^_^）

講完簡單嘅，又講完幾乎有聊得很自己都諗唔通咁復雜嘅，講返中中間間的⋯

現代宇航要面對 D 乜嘢四維難題呢

就攞飛去火星為例，就面對了四維與五維的難題（五維由於篇幅過長，下集先同你玩了^_^）。

用個日常生活 D 嘅例子體會一下。我們從灣仔搭巴士追九龍開出嘅尾班火車去羅湖⋯因為巴士同火車都係動態，如果本來嘅時間係啱啱好接得上嘅話，假如架巴士途中因事停一停嘅話，你就等著去送尾班車都得了！

地球去火星的情況差不多，地球同火星都移動緊，要差不多兩年，地球同火星先會有一次較接近。如果地球人要去火星，就要珍惜兩年一遇的黃金機會了。錯過了，又要等兩年。

當然了，去的時候又要計算五維度的影響（下集講），軌跡一出錯，就好像上面巴士追唔到火車的情況，糟糕了！

未完待續⋯

密切留意，coming soon 兩集：

在五維宇宙進行宇航從來沒有簡單過。

兩體三體有什麼奇，單體的我們（如真的是單體的話）才是貴族。

作者：有聊得很（manbolo88)