Shadowy Super Coder 是如何煉成的？

其實我在 mint 時，真的沒有想到這可以升價的。

因為近期 Solana 的 NFT 實在太伏了，總是惹出一堆會用低於 minting 價倒賣的敗家來攪局。他們反正抽了一堆 NFT，就趕著離場，大凡不夠稀有的，就胡亂踐價倒賣，而稀有的也不見得能維持高價，反而當一堆 memecoin 在升市，這些人就急著一窩蜂的倒賣，NFT 上輸一半，memecoin 趕得及就能炒回來。在這種有毒氣氛下，原來以交易便宜快捷為優勢的 Solana Metaplex 平台，反而淪陷為敗家煉獄，很多有心的 NFT Project 都遭殃。

既然明知道有這種有毒的氣氛，那為甚麼還去 mint 一個套名不經傳的 NFT 呢？還是每 mint 一個都要 2.5 Sol （本來話 3 Sol） ，當時那就值 $600 美金了。

說起來就更奇妙了，因為發起 NFT 的單位 GeneSysGo 並非現創意、美工或遊戲化前景，反而是藍領的伺服器營運商。 GeneSysGo 所經營的業務比較像 Solana 世界的礦工，在世界各地找數據中心，架設 Solana 運作所需要用的 RPC Server ，總之大家要使用 Solana ，基本上就是向伺服器發起遠程指令 ( Remote Procedure Call )，而另一方面則有些 Validator 在計算資料正確可信，登錄時間形成 Solana 的 Prove of History 序列。

GeneSysGo 還不是唯一一個做這種低層苦工的服務供應商（但在七月一度是 APY 最大的Validator)，只是他比較聚焦做這件事，規模也頗大，願意花錢追求好的設備更迭，如果要開發 Dapp 服務而需要專用的 RPC Node ，就花 $500~$1500 美金跟他們月租便行。那所以他們是 IaaS / PaaS ，整個 blockchain 價值鏈悶到爆的最底層。你可以把他們比對為專用的 Linode, AWS 之類，夠悶了吧？

有很多相關訪問： https://podcasts.apple.com/ua/podcast/what-is-it-like-to-be-a-validator-on-solana/id1577018765?i=1000530031536

悶歸悶，但基建還是不可或缺的東西，尤其是現在 Blockchain 開發周期非常急，新創更需要專注於做 web3 等中上層的 Dapp 開發，而不應分心兼顧太多下層的運作和優化，所以他們仍是有存活空間，算是生態鏈中的基石。

那仍是跟 NFT 八捍子扯不上關係吧？真的扯不上，是他們為了擴展規模，但不太容易用別的方法集資，硬地扯出一套 NFT 來。原本定價 2.5 Sol ，賣的正是憑 NFT 你可以用無特定上限咁用專配的 RPC Node ，就好似自己去開個 VPS 咁。其吸引之處，應該說是以一個月的租金水平，有機會可以用到一整年甚至永久的加速服務，對開發者或原有的客戶來說，似乎挺爽的。

為了迎合目標客群的口味，以及借助既有和潛在大客群的影響力，GeneSysGo 在設計 NFT 時，以暗角的 Hacker 為主題，並加上了個很大程度是在打廣告的熒幕，就是貼上 Solana 生態群中其他知名服務的 logo ，你說這件事是否老土到爆？看起來就是了。

而且，說要做 NFT ，題目真的不太 frenzy ，儲點人氣十日，其實也只有 4 千幾 discord 用戶進場，在 NFT 世界並唔算特別 impressive 。GeneSysGo 將最初的千零人劃入 Whitelist ，大概是覺得他們是真正用家，就優先可以 mint 吧。我聽到其他有點 tech 底的人談及他們就快要開始 mint 了，先去八掛，連 Whitelist 都入不到。大家說，一千個 WL 每人 mint 12 個 NFT ，10000 粒 NFT 睇黎無剩的了，所以有些朋友都已經意興瀾珊，當無左回事。

除左可以用佢啲 RPC Server ，仲有兩億 GenGo token 的一半（即係 airdrop 一萬個 NFT holder 各一萬個 GenGo ，合計一億），會派俾 NFT 持有者，據知咁就好似其他將 Sol stake 去 validator 有能會分礦工錢咁上下，有沒有著數，其實都係睇 GeneSysGo 客多唔多，規模大唔大。不過，點講都好，在 Blockchain 世界呢啲係實實在在的收益，唔算係 ponzi scheme ，所以大家覺得無 WL 就無得分，而個 NFT 應該真係會生利息，係值錢，就係無咁 Frenzy 的 CyberKongz 吧？

GeneSysGo 的 Frank 為左谷起個氣氛，講到話若果一日之內 mint 得晒，咁收翻來的錢用去擴充設備，可以令成個生態系統無上限咁做 PRC 直至年底。嗱你 10 月底咁 up 件事，11 月先 mint ，買得 server 來都 11 月底，你都係撐一個 12 月咁咋？就算係咁大家都係估你吹水架咋... 又唔係得你一家做基建。

不過呢個時期，的確有唔少 Solana 核心服務係轉去用 GeneSysGo，把包 Raydium, Star Atlas, Aurory, Sonar, Solris 等等。對來我說，我睇見 Solfarm 十月底由自己起 RPC node 或用 Serum 的 node ，改左用（租？） GeneSysGo 的 node 喎，呢個印象就比佢點搞 NFT 都要深刻。

Frank 最成功的，應該係起左個口號，話啲 NFT mint左就會令 Solana 生態體系更強更快，而作為開發者，我地係十分理解亦尊重的。至少，我就係因為咁先會在 NFT 爛市時咁神心去 mint 。而 Solana 世界，開發者好缺好寶貴，揸著粒 NFT 可以入 Dao ，可以期望其他 Dao 的人都係開發者或者行家，埋呢個堆真係唔錯。

由於件事係幫到班客以及其他 Ecosystem member ，於是班客幾願意再贊助一下，比如 DeFiLand (遊戲或 metaverse) 就話要送出 3 條 beta key ，Fabric 又話要送 2 粒 Punk （乜 Punk 先？），SGF（一個 NFT Collect）又話要送 2 粒自己本身的 unique NFT ，之後再有第啲 NFT 跟隊送野，最勁的應算係 Star Altas 要送個 Pearce x5 。成件事就由幾悶的 server access 應用，變到有 GameFi 因素，minting 變成抽換（因為想中獎係鬥快 mint 到有啲贊助的 logo 的 NFT 再報到）。而合作方亦都在 mint 前同 Frank 做一些 cross-over 講座，話下俾大家知啲基建有幾重要（都幾悶⋯）。

講到咁㷫烚烚，到到 11 月 3 日（香港時間 11 月 4 日 2am ）真係 mint 時，WL 的先 mint 左 2000 粒。而且因為抽獎係先到先得，班 WL 排隊頭，基本贏晒，其他人就無咁熱衷了，個 minting 數上到 3000 後就唔太郁到。由於 GeneSysGo 和合作方之前幫過 60＋ Project 做 minting ，單就 UX 而言係很爽很順的，最大的阻礙係限定 Phantom extension 先可以 mint ，其他錢包就唔俾。

於是乎我無 WhiteList 都有機會 mint ，反正真係想推動 Solana 發展，我 mint 完 1 粒又再 mint 1 粒，其實諗著收手架啦...

呀點知 Solfarm (TulipProtocol) 的朋友大家貼堂相睇，有人 mint 到有 Tulip logo 喎... 咁我就手痕 mint 多一粒又一粒... 都無嘅... 率之 mint 左 5 粒（嘅個時間有朋友無 Phantom wallet 在手，又想買，有 1 粒我講好左會原價讓俾佢。），但都係中唔到 tulip screen 。

半日之後，其實都係未 mint 完，我仲特登 share 希望其他朋友會去支持下 Solana 基建發展，講明 flip 都冇著數啦，但都未至於無保值咁囉。

或者係唔同的 Dapp 社群都有人想 mint 自己想要的 logo ，大半日後個 minting 就加速了，算係成功在一日內 mint 完左。我想提的是，其他被敗家玩爛的 NFT ，要完一萬粒好多時係十分鐘以內的事，而挺左十幾粒鐘先 mint 日的呢，可能就無乜 flipper 掃貨。

然後 mint 完就神奇了，在 Solanart.io 上，倒貨出來賣的得一百粒多點，大多數人都肯 HODL 。於是個價就開始扯起。

本來一片爛市，Shadowy Super Coder (SSC) 異軍突起，同期玩美工設計玩 GameFi 的 NFT 大多數係 heat 一下頂多 2x floor 就崩到 below mint ，SSC 半日內就去到 3x 位，而且真係無太多人倒貨。

作為悶到震的基建設備服務商，可謂名利雙收，Discord 社群漲了 4 倍， Twitter follower 也漲了近 1 倍。

過左 4 日，成萬粒 NFT 只有 500 粒左右流出個市面，大部份被緊緊 hodl 著，完全係逆了 flipper 世度。

有部份 3x combo logo 特別受到相關 Dapp 的人青睞，比如 3x Tulip 就以 85 Sol 易了手。我之後在 2nd market 用 8.9 Sol 入左粒有 Tulip 的 SSC ，真係換了做 Twitter PFP ，以示狂推 Tulip

。然後再入了 1 粒 3x Investin ，期望 Investin 發展起來，會有人對呢個 unique NFT 有興趣，到時可以高價轉售。

成件事真係好逆反 Solana NFT 的浮燥 flipping 和敗家沖散局面，反映到有實際 Utility 以及利於 Ecosystem 意義，係可以異軍突起。

我覺得這將會是 Solana NFT 中有標誌性的一個 Collection ，將來係會同 Degen Apes Academy 、 Solana Monkey Businss 這兩個最成功的項目比肩。Degen Apes 算是 Solana 界的 Punks ，是首發而精美的項目，但沒甚麼後續力，也沒有像 Punks 般衍生出二創。 Solana Monkey Business 是 Solana 界的 BAYC ，有二創衍生，社群營運也比較有條理和發展，可惜對後來者來說底價好貴，已不好跟上了。 SSC 能否繼續推上去？不知道，但如果大家感到 Solana 有更快更爽，就心存感謝好了。