我們的英國🇬🇧之路(2) - 到埗前後👣

因為疫情關係，去英國除咗要填passenger locator form之外， 仲要準備英國嘅檢測包。 英國同香港最唔同嘅地方，係可以自己選擇檢測公司。

我哋好好彩，去嘅時候香港由amber轉green，所以可以避咗唔使隔離十日，亦唔需要做兩次檢測。

不過因為之前做功課唔夠，臨急之下喺google搵咗間價錢尚算合理嘅self test at home，即係喺屋企做完再寄返去。後來諗返，如果時間就到嘅話，去機場附近做埋檢測先繼續行程，咁就可以煩少樣，亦可以避咗我地遇到嘅蝦碌嘢⋯⋯就係寄失啦！

我地一行4人，但檢測包淨係寄咗3個嚟！好在如果係寄漏嘅話，政府唔會當你漏做（因為每人都有政府派嘅一個編號）。最終同檢測公司傾咗一大輪之後，佢都肯寄多一份嚟，叫做有驚無險咁啦！

所以一有唔妥，一定要盡早講呀！

講開落地檢測，依家多數去英國嘅航班都係飛倫敦(後來發現可以轉機去曼城）點樣駁腳去你要去嘅地方最好就預先計劃好，咁多種方案裡面，最平係坐coach，即係長途巴士，而火車，由於打算買飛嘅時候已經貴到飛起，所以無考慮過。

最後，因為我哋同行李都唔少，搭通宵機又累，就揀咗直接由倫敦坐Uber去曼城嘅AirBnB

雖然呢個方案比較貴，但就比較舒服，同唔使搵路同轉車，始終往後日子可能要係咁捱，叫做享受咗先。