《終於到你 - Park Guell)

貫轍一向的作風， 我今日又好做起身。 7點幾落樓下刷牙洗面時， 咦！ 原來住多左個人， 唔怪得我琴日係咁聽到有的聲， 等我仲自己嚇自己添！ 

換好晒衫， 烚埋同食埋隻蛋， 我就出去了。 首先當然用我張僅僅用過2次的T10票去Alfon x站搭shuttle 到Park Guell。對於我呢的無做research嘅人， 見到疑似去Park Guell的韓國遊客， 我當然跟住啦， 就係咁， 不費吹灰之力就見到個車站（其實跟本出地鐵站有指示邊個出口搭shuttle, 係上到去要望兩望先知位置啫！）

但由於只係9點， 我又唔知早左比唔比入， 於是我就過左shuttle對面的cafe食少少野， 都係嗰的啦， 牛角包+咖啡 （€1.75）。 阿老闆係印巴人士， 佢問我邊到嚟， 我話香港， 咁佢好似有的共鳴咁話佢sister and big brother都住香港。 吹左陣之後借埋廁所我就去搭車了。

要排隊首先要比佢scan 入場券的QR code, 無耐就有車了。 15分鐘唔使的車程就上到去公園。但其實入左園行一陣先會見到Park Guell的入口。 雖然我早左半個鐘， 但職員都無唔比我入， 但佢提醒只可以入一次， 出左嚟就唔可以再返入去的。 

放眼所見...er， 做緊維修， 有一半馬塞克座位無左， 所以的馬塞克seat根本就好full! 但好彩我都吼到一個靚位， 仲叫人幫我影左張相添！ 之後落左去嗰兩座建築物到,反正嚟到都月排隊入去望下， 之後遇到一對韓國母女， 好似好有黙契咁互相幫手影相添， 其實呢到真係靚嘅， 但人太多， 不過我都玩左兩個幾鐘先出嚟！ 其實唔只建築靚， 的花花草草都好靚。 出左收費區後， 我都仲有行下個公園， 真係好唔錯呢！

跟住我無搭返shuttle 落去， 諗住好似同文森之家好近， 順手去望下， 點知我搵唔到🤣🤣！ 好喇， 既然行到附近， 我又去埋聖十字保羅醫院。 途經超巿， 我決定去解決對蘋果的渴求， 揀左個產自Girona的， 盛惠€0.39 (即琴日火車經過的地方），唔係講笑， 聖十字保羅醫院心好靚下喎！ 但由於好似要€14入場費， 我放棄了！！

之後我又經繞去聖家堂慢慢行返去， 又去到我最愛的商場超巿， 買左枝azonria gree tea with honey(€1.03)同埋一枝1.5l水（€0.49） 就返hostel lu! 坐左陣再出去cafe 365買左件難食pizza (€3)就返去執野了！

今日共用：€6.66 (cash)