WE CAMP 元朗逢吉鄉新村

日期: 2022年1月
地點: 元朗
是日人數: 6-8人

感想:
交通:
車輛可以駛入營區，但如果要CALL車就要留意。我當日係截的士入->OK,EASY。 但出營就難叫車,實質呢D偏遠地區唔多的士願意入來。可能自駕會比較方便D。

環境:
佢地方確實幾大，露營區既ZONE 私隱度唔算高，未至於自成一角甚至係路口位會多人行出行入。主打既人工湖比想像中靚，本身以為靠岸果邊會好污糟但原來幾清。
草地還可以，未到石屎地，稍多乾地但未到沙漠。雖然有蟻但屬於正常螞蟻非紅火蟻。地方多蚊，不過似乎香港去CAMP好難唔會有蚊，畢竟香港潮濕天算多。
但致命問題係氣味同聲音，如果你想要清新郊野空氣好寧靜環境，我相信呢個地方會係負分。 而作為露營場來講呢個問題既嚴重程度可以話係極度失敗。因為佢好近豬隻屠宰場，基本上係24小時都會有豬叫，而且係好淒厲甚至乎我會形容猶如「地獄的聲音」。豬隻混集狗叫，同團朋友幾乎無訓過。亦都因為好近豬場，D動物氣味亦好強烈，係入營果陣已經聞到，幾乎出營後係一身屎味，CAMP COOK似食屎，訓覺似訓廁所，非常難受。
個天係廣闊，遠處有路燈但未算強烈光害，可以睇到星。

廁所:
典型貨櫃改裝，算係高規格廁所，比藍色流動廁所好十倍。職員清潔仔細(一條口喉大力射埋去)。有冷熱水沖涼。

水源/食事:
洗碗區係2個大SINK盤。有雪櫃，24小時開。

服務:
職員算專業，對公司服務講解清晰，而且巡場時間算密所以容易搵到佢地。
配場可以買到少量補給(汽水、GAS、蚊香等等) 理所當然價錢會貴好多。