忠義山隨想

又擱有一段時間無用台文寫字，擱開始生疏了，所以講簡單講我今仔日做了啥物。

今仔日佮 Ling 去忠義山步道 peh 山，雖然講早起的時陣有淡薄仔落雨落雨的款，但是等到阮走到忠義捷運站，已經無啥物雨。阮來去行天宮北投分宮拜拜，足心適的是，我感覺建築物佮台北市中心的足相𫝛。入底嘛有穿藍色衫的師姐，靜靜佇唸佛經。我跪落來共關公爺爺默默祝禱。

欲年尾矣，所以講一切都有要除舊佈新，以及回顧過去，許下心願的感覺。帶著感恩的心甲話講煞，阮走到邊仔的階梯，有一個指示牌寫著忠義山步道。攏是階梯，有竹林，非常陰涼。

自從伊結婚了後，我嘛毋看著伊欲三個月矣，所以講一直佇講話。雖然講今仔 peh 山姿勢已經佮進前無仝，但是沓沓仔行抑擱是會使行。自開始，Ling 擱問我，為啥物愛學台語，有足濟理由，有私人的、但也有公眾的。上迫切的就是：我佇面對美國學生的時陣，我定定無法度回答 in 足濟的問題，我感覺這寡問題，攏愛對台語入底揣。（任何政治的：你甘有認為台灣是一個獨立的國家？每次說起來就是傷濟的情緒，所以阮嘛是愛知影阮是佗位人吧？）

於是又進入了一段冗長的爭論，包含台語是毋是有字、台語本來就是厝裡底有的為啥物愛去學，以及一寡有的無的。講話的時，我感覺著家己有一種理所當然的感覺，但是她直直不明白，所以講我講話的語氣足急切。其實，我無想欲遐爾嚴肅，因為這也確實是我遇著的難題，其實，就連內底的人嘛是爭論不休。講話的時陣，我發現一件代誌：仝款的代誌，每一個人因為伊的性格攏有無仝的詮釋，嘛因為你掛意的代誌無的確是我掛意的；我關心的價值嘛無的確是你關心的，這就變成了一種長久不休的爭論。另一件代誌是，要全面的了解一件事實是無可能的，阮只能看到局部，甚至是信任的人詮釋的、代言的局部，頂多只能說是多面向的局部爾爾，無可能是整體，只能講逼近整體。講著後來，不了了之（但我們雖然爭執，但還是和和氣氣的，無臉紅脖子粗，哈！）。但我還是感覺，了解很難，心平氣和地溝通很難——這包含了我們彼此的了解、信任佮理解，但即使是按呢，阮對代誌的看法抑是無仝，甚至是，當一個人知道一件事，而另一個人不知道時，大家可以好好、有耐心的陳述，這攏是要練習的。

講歸半晡，阮嘛來到山頂啦。山頂是兩座小小的墓園，但是可以看清楚台北城市山腳下的輪廓，雲低天低，予人神清氣爽。往頂懸行，是臺北大縱走的第一段，阮兩個往遐瞎走了一段才戀戀不捨地回來，因為阮本來就預計要下山先往關渡。十二月了竟然抑擱有芒花，足媠。後來是走泥土的下坡路，一路上也講了一寡活著的焦慮感還是工作的現實感啥物問題，Ling 提著龍頭，足久無聽著這個名矣。龍頭的大意是講，無管是別人有別人的路，你終究愛揣著家己的。阮攏默然點頭，其實，也無曉因為人生走到了啥物坎站，自我的探索就會停落來，伊講伊嘛是做這個工課三年矣，也是學著足濟物件，雖然講有時會灰心。但是我抑是感覺，阮攏是幸福的人，因為阮仍然有選擇，有向望。（無是為著寫文章愛有一個快活的結尾，才按呢講。我是的的確確如此認為的）

台北藝術大學超級～漂亮，四處攏是無知名的雕塑。阮兩個半點藝術氣息也無，瞎猜亂猜「豌豆」、「腎結石」、還是「光屁股的佛祖」之類，真是失敬。阮意外看著牛牛，邊仔擱有鳥仔佇啄。後來在這邊吃了一支抹茶霜淇淋做紀念，結果就寒著了。看著朋友愈來愈穩定放鬆，我嘛感覺按呢足好。後擺，才擱來招朋友來行無行的路呢！