給小女兒說故事～我和福爾摩斯

華爾滋的音樂悠悠響起，天鵝絨藍色的帳幕徐徐拉開。富麗堂皇的大廳裏面，衣香檳影的賓客翩翩起舞；我同好朋友灰原d就係呢個聖誕舞會嘅座上客。

呢個時候，台上嘅司儀就大聲咁講：「我地一齊倒數迎接聖誕，開始，五、四、三、二、一、零……yeh!Merry Christmas! 」

點知突然間全場漆黑一片，大家都唔知發生咩事，只係聽見一把尖叫聲「救命啊！搶嘢呀！」冇幾耐燈著返啦，我地發現原來有一位太太被人偷咗條珠寶頸鏈。呢個時候，大家都好驚，你眼望我眼。

突然大門打開，有一位頭帶格子帽、身穿格子西裝和口咬著煙斗的男子走了進來，仲大聲咁問：「係咪有人被搶劫啊？」有位太太就大叫：「係呀係呀我俾人搶嘢呀！」而果個頭帶格子帽、身穿格子西裝和口咬著煙斗的男人就用佢銳利的眼神環顧四周。

大家都唔敢出聲，而我就對身邊的灰原講：「我覺得最有可疑就係果個著白色衫的侍應，你睇吓佢嘅頭髮……」正當我想繼續發表我嘅理論嘅時候，果個頭帶格子帽、身穿格子西裝和口咬著煙斗的男子打斷咗我就講：「迷底已經打開啦！著白色衫的侍應就係那個刧匪，因為係呢個密封

嘅環境裏面只有佢嘅頭髮係亂了的，好明顯係佢將頸鏈從窗拋出街外時被大風吹亂咗佢d頭髮。」

鏡頭一轉，只見那侍應面色一變，正想走嘅時候，大家即時撲上把他制服咗啦。時間啱啱好，一班警察到達現場，仲話係屋外嘅草地發現咗一條珠寶頸鏈添。

掌聲！歡呼聲響遍全場，大家都驚嘆呢個口咬著煙斗的男子點解咁機智聰明。這時身邊嘅灰原對我說：「你都好聰明啊，你都知道邊個係刧搶匪呢！」我冇理會灰原，因為果個口咬著煙斗的男子竟然慢慢咁向我走過嚟，仲同我講：「小朋友，我睇你好有潛質做偵探，有時間嘅話嚟搵我。」然後向我遞上一張名片—上面寫着夏洛克福爾摩斯，職業係私家偵探。

而呢一刻就係福爾摩斯與我嘅故事正式開始。