[轉發][粵語口語]近日香港發生的事，令我覺得香港終於與國際真。接軌。

成日話大陸人／南亞人移民黎香港係不道德，而加香港人總算明點解有人要移民「俾壓力人」而「唔去救返自已既地方」。

終於都明點解「你個國家有暴政點解你地唔係有責任去推翻佢」，因為終於都明俾埋條命出去都可以推唔翻。終於都明，走係一個必須決定。

終於都明點解『隔離火場』都要理，幻想下國際連台灣都唔理唔幫自已，真係想像下都痛。

終於可以同返成個拉美、中東、東南亞、非洲的幾十億人一齊指罵警暴，明白人地同你講自己俾政府追殺、朋友俾政府暗殺、失蹤係咩意思。終於都知道其實警察呢個POST，係全世界都係過街老鼠。

香港人到今時今日先知咩叫「警暴」，先知咩叫「被失蹤」，真係痴孖筋，真係幸福左太耐。

終於出遊時、同世界各地的人傾計時，可以無甘慚愧，明白國家恐怖主義係咩一回事。明白你成世都見唔到公義，明白你唔再敢議論政治係咩事，明白點解世界各地甘多當地人有咩事發生其實都唔會想報警，而再唔係天外國度的異端見聞。

仲有，終於都明白仆街無分國界，所有「仆街野都係大陸人做」、「港英年代成長的香港人深明民主之義」之on9。除左三萬，數之不盡政府中高層，都肯肯定係土生土長香港人，而且見證過港英「民主盛世」、接受過「英國教育薰陶」，結果佢地根本唔會為香港爭取任何野。與共共舞，根本同血統種族宗姓無關。

終於都明陳秋實可能真係唔係中共既鬼，人地真係有血有肉，但俾埋條命你，都鬥唔羸共產黨。終於終於明白，原來閪佬與否，真係唔係一句是否「真香港人」就玩晒。嚴格黎講，林鄭都真係「真香港人」，成世都係港英官僚系統／教育庇蔭之下。

終於終於，香港都同世界接返軌。

我地終於識明白人地既苦難，而唔係企高兩三四五六七級，然後自命認為所有別國難民都係狗、都係放棄自已國家既廢柴。

甚至，終於明點解會有恐怖組織，點解會有自殺炸彈客的出現。一天香港真係出現左，大家真係唔會唔明。

香港終於同返世界同軌。

香港人終於識得唔再歧視人。

這些想法，是令我能撐過近日新聞轟炸的唯一原因。