My little detour - 《Laguna Chicabal》

今日相約左阿清 (無一齊上過堂但佢已去左另一間西文學校讀書的同學)去Laguna Chicabal, 佢一早問好左老師點樣去，再加埋比我強0既西班牙文，我哋決定一齊小旅行大冒險，哈哈! 晨雞咁早6:45就出門口， 我地相約中央公園一起走到 Democracia mercado然後再走入條街搵車搭。 由於呢到無確切站牌， 所以阿清就向chicken bus招手， 截停了一架車後再問他們是去Laguna Chicabal? 他回答"是"， 然後說每人Q2 ， 但我地之前有查過車費應該是Q5, 所以我地都有疑惑，但既然佢哋答係就無再理咁多。

過了幾分鐘，巴士走到了Mineraval bus terminal, 咦! 唔通我哋頭先係企左喺回巴士總站0既路上?咁又答話去Laguna Chicabal0既? 由於我哋覺得車上0既收錢小子唔老細， 所以都不願給錢 (其實我哋只係搭左5分鐘車)， 當所有人都下車，連司機也下車的時候， 我跟清就衝下車往後跑的不願給那Q2。 之後再直接問其他人去Laguna Chicabal巴士係邊到搭， 最後問了好幾趟， 終於找到去Chicabal的 chicken bus。問過價錢是Q5後， 我們就上車等開車， 但這車出車無耐就停低唔知做咩， 搞到我地最後差不多10點先到。

到站已後我們先過對面馬路， 然後跟maps me一直走。走一陣斜坡後終於到information centre, 即係售票處啦，本地人收Q5, 外國人收Q50, 而在San Martin住的人也是Q5。

我哋係草地無無聊聊影左陣相之後就上山。 唔係太難行， 但也不是平坦的路呢! 山路斜玻目測有3-40度斜， 可能太耐無運動， 所以腳很快酸軟， 但還是可以應付。

當我地11:15走到湖邊， 嘩， 大霧到咁咩都睇唔到。於是我地諗住坐低野左餐先再算。 野餐食物包括香蕉蛋糕x 2、 2塊曲奇、 一塊麵包、 牛油果醬及taco等， 其實差不多都是清帶的， 我自己真的只買了包及蛋糕。 坐左陣其實都睇到霧的變化。 時而散開雲霧可見對面的山水， 但濛起上嚟真係咩都睇唔見。食食下嘢， 旁邊坐了一個家庭， 佢地超好人， 唔知係咪清有大聲回應佢地沿路大叫出來的問題， 我地很快打成一片 ，他特意把汽水及杯帶來倒給我們喝， 然後我們一起拍照， 更強的是我們表示喜歡他們傳統衣服， 太太竟然即時脫下用另外的布蓋自己， 借出服飾並替我們穿上，玩左一大輪後， 佢仲請我地食木瓜，真係又食又飲又玩又穿了。。 玩了一會他們便離開， 據他們說3-4點會下雨， 所以我們放棄繞湖， 行左一小段路就回程了。

我地係條村行緊出巴士站時， 有好心人載我們到等巴士地方， 為我地慳了不少的斜路。 由於上到去有van問我地去唔去Xela (Q7), 既然價錢沒貴很多， 我們就不等chicken bus而直接上車。 但越坐越唔對路， 開得好鬼快同chok, 我地差d嘔返出嚟。 

落車就在democracia mercado附近， 我地就先逛著逛著， 然後經過路邊攤見到很大的雞腿， 所以決定夜晚係到食， 連沙律同totilla都係 Q18, 算唔錯。 而且雞很嫩， 所以很值。 之後我哋行返中央公園附近， 我買了玻璃瓶的汽水(Q2)跟廁紙 (Q2), 之後就返homestay了。 

返到homestay附近， 我聽到強勁音樂聲所以八下， 原來有表演活動， 但我只係左十幾分鐘。 返到去我預備沖涼時， Ellie問我要晚飯嗎， 聽講是湯我就改變主意要吃了。 我地係廚房有說有笑， 食完再準備沖涼時， 發覺廁所有人， 唯有先返入房， 然後Oscar問我有沒有在festival看到有人跳舞，有呀！ 因為興之所至，我跟Oscar再一次出去湊熱鬧， 也蠻有趣呢！

已用：Q84

Q5 chicken bus to Chicabal

Q 50 entry fee

Q7 minibus to Xela

Q18 雞肶晚餐

Q2 可樂

Q2 廁紙