Hair Forest 3L 止脫再生療程 V.S. Perfect Hair F8生髮療程邊個好？10年脫髮經驗 實測真實生髮過程+結果！

唔知有冇JM們都有甩頭髮嘅問題呢？作為一個廿幾歲就開始甩頭髮嘅過來人，奉勸各位千祈唔好唔理甩頭髮嘅問題……脫髮呢家野，你唔理佢，唔代表佢會自己慢慢消失，反而會「變本加厲」，甩得仲多頭髮！

好似我咁樣，雖然而家都只係30歲中，但甩頭髮嘅「資歷」已經有10年……無錯！你冇睇錯！我真係由25歲開始就係咁甩頭髮，本身天生頭髮髮量都算正常，只係髮質比較細軟，但一開始甩頭髮，每日見住甩吓一執，甩吓又一執，尤其是洗完頭之後，卡係去水口嘅頭髮會搞到啲水塞曬通唔到，仲慢慢發現啲頭髮開始遮唔曬個頭皮，有時大風一吹……成個後尾枕就被人見到曬……

其實一開始甩頭髮個陣，我都以為只係一時嘅壓力導致，因為個排岩岩轉咗新工，好多野要學，又多咗OT，個時仲諗住等慢慢適應返，啲頭髮就會生返出嚟……但係過咗大半年，我發現甩頭髮嘅問題唔單止冇改善，仲甩得越嚟越多！有次去剪頭髮，連個髮型師都唔知點幫我剪好，因為啲頭髮真係少得好交關……

對於甩頭髮呢個問題，一直以嚟我都有「心理準備」，因為我老豆都有「地中海」，雖然話女人冇咁容易遺傳到甩頭髮，但我都預咗自己會遺傳到少少脫髮基因，只不過冇諗過呢一日會咁快嚟到姐……

之後一直維持咗甩頭髮嘅問題大概一年，期間都有試過唔同嘅生髮方法，好似用吓生髮水、食多啲黑芝麻、用吓中藥洗頭水之類，你話係咪全部都冇用？咁又唔係嘅……好似生髮水咁，搽咗幾個月之後，啲頭髮真係生得多咗，但係每個月幾乎要用成千蚊去買生髮水，長遠落去都唔係辦法……同埋每日搽完生髮水之後，頭皮同啲頭髮都會好油笠笠咁，有時出街都會被人眼望望，好似十日冇洗頭咁！

於是乎，我知道要解決甩頭髮呢個問題，就一定唔可以只係用生髮水呢啲「治標唔治本」嘅方法，我知道如果想長遠咁改善脫髮，市面上有好多生髮療程都適合，不過選擇咁多，點先可以揀到個最岩自己嘅生髮療程？

正因為我知道好多人都試過做生髮療程個陣中過伏，所以今日就想同各位同樣有甩頭髮煩惱嘅JM分享一吓，到底係邊一款生髮療程可以K.O.到我將近10年嘅脫髮「資歷」！

其實呢幾年嚟，我做過嘅生髮療程唔多，一共只有2間生髮中心，第一間就係Hair Forest，另一間就係Perfect Hair~如果你都想知多啲呢2間生髮中心到底有咩唔同，或者睇吓邊個嘅生療程岩你多啲，咁就要繼續睇落去啦！

生髮中心實測1. Hair Forest 髮森

我第一間試做生髮療程嘅就係Hair Forest，因為當年嚟講，Hair Forest算係規模比較大，而且比較出名嘅生髮中心，加上佢地宣傳方面話有埋醫生同其他醫療服務，所以睇完Hair Forest個介紹，對佢地都幾有信心……

記得個陣唔知係邊到，搵到有得試吓做Hair Forest嘅3L止脫再生療程，咁我登記完就去咗做，其實成個體驗過程都算正常，一去到就會照吓頭皮，睇吓頭皮同毛囊健唔健康……Hair Forest嘅職員話我頭皮比較多油，所以塞住咗啲毛囊，加上聽我講有遺傳性脫髮嘅問題，所以佢都推薦我做3L止脫重生療程……

一路做3L止脫重生療程個陣，Hair Forest嘅職員會不斷係我耳邊講野，吹水又有，叫我買療程又有，話我頭皮健康好唔掂又有……總之全程都會係我耳邊依依哦哦，就算想合埋眼休息一吓，都會覺得好煩……休息唔到咁……

成個3L止脫重生療程就包括焗頭、排毒、按摩、精華導入、照燈，聽落好似好簡單，但真正要做曬所有步驟，就至少要成2個鐘！期間仲要聽住Hair Forest嘅職員係咁講佢地呢個3L止脫重生療程有幾好……有幾Work……有幾抵做，不可思議嘅係，就算每個步驟都唔同職員嚟Serve，佢地都會講埋啲差唔多嘅野……簡直就係疲勞轟炸！

好辛苦先至做曬成個3L止脫重生療程，又被Hair Forest嘅職員捉咗入房，係咁Sell最近有咩package，內容實在係太chur同太煩，我已經唔記得講咗幾錢，只係記得係幾萬蚊左右……先勿論呢個3L止脫重生療程效果係點，Hair Forest職員咁煩咁chur，我都唔會想比錢佢地，萬一每次我嚟做療程，佢地都係一輪咀咁講咁sell法，咪即係「貼錢買難受」！

所以個次去Hair Forest嘅體驗，我係同佢「鬥耐性」，我係咁講唔想買、冇興趣，講足粒幾鐘，最後佢地終於肯放我走……自此之後，我都唔會再去Hair Forest，甚至乎之後個幾1,2年，都唔係好想去生髮中心添……

生髮中心實測2. Perfect Hair 髮神

雖然係Hair Forest嘅生髮療程體驗，唔算係好，亦唔算好差，但係不停hard sell、疲勞轟炸咁就已經係大忌！！！只可以話可能Hair Forest唔岩我啦……

之後個幾年，我都冇咩特別想試生髮療程，同埋上網睇咗好多巴絲打講，其實唔少生髮療程或者Treatment，都只係呃人，走去做只會嘥曬啲錢……雖然我唔信，我覺得一定會有Work嘅生髮療程，只係我未遇到，但係我都唔想笠亂去試，萬一整傷頭皮同毛囊，咁咪仲大鑊！

係Hair Forest做完個生髮療程之後，大約隔咗2,3年，我就係網上睇到Perfect Hair嘅出現，個時Perfect Hair好似都係岩岩開，雖然我對佢地嘅「免費體驗」幾有興趣，但都擔心新開嘅生髮中心未夠成熟，所以最後都冇試到……

過多1年左右，我就開始見到Perfect Hair係Facebook賣廣告，仲有唔同明星、KOL拍片宣傳，又好似幾信得過咁~同埋Perfect Hair個免費體驗優惠，一直都仲有！我見佢都開咗成年，都應該OK掛……所以就登記咗佢地個F8生髮療程試一試~

Perfect Hair嘅體驗過程就唔講太詳細，費事悶親大家，不過值得一提，就係Perfect Hair嘅服務真心唔錯，由佢地開始照頭皮，到講解我有咩脫髮問題，以至F8生髮療程係用咩原理，佢地嘅職員全部都講得好詳細，而且好易明！仲有仲有！做完F8生髮療程之後，Perfect Hair嘅職員會同我講吓之後有咩護髮注意事項，好似做完療程個晚唔好洗頭、梳頭要點樣梳、要用咩洗頭水等等……

同埋我幾欣賞Perfect Hair嘅就係，佢地啲職員完全唔hard sell，講完有咩要注意之後，佢地嘅職員就同我講吓而家F8生髮療程做梗咩優惠，原來而家10次F8生髮療程，都只係$2,888！唔洗$300有一次生髮療程，聽落真係好抵！平過個個月買生髮水！

不過平還平，最重要都係究竟呢個Perfect Hair F8生髮療程有冇用，係咪可以搞得掂我嘅脫髮問題~F8生髮療程用嘅係無入侵性嘅低能量軟激光，坐係到照梗盞燈個時，頭皮會feel到少少暖暖地咁樣，一啲都唔會痛~照完燈之後，就會有Perfect Hair嘅職員嚟，幫我係頭皮到搽返生髮精華，加多兩吓按摩，之後就搞掂架啦！

返到屋企之後，因為個晚唔洗得頭，所以我冇留意有冇甩頭髮，不過訓覺前梳頭個陣，會覺得啲頭髮順滑咗，冇咁易打kick，which我做完F8生髮療程之後，成日都冇梳過個頭……第二朝起身，頭皮、頭頂都仲keep到幾乾爽，唔洗再洗一次頭都已經可以出街！之後個晚洗頭，留意到甩頭髮嘅數量少咗一半，而且唔會用手梳一下就甩幾條頭髮出嚟，只係做咗一次冇咩接觸成分嘅F8生髮療程，個效果都令我幾impressed！

隔多一個星期左右，我覺得Perfect Hair F8生髮療程個效果真係唔錯，於乎我就聯絡返佢地嘅職員，join返10次F8生髮療程~之後keep住一個月去做一次，每次都係1個鐘左右，唔似係Hair Forest個到，次次都要做成2個鐘up……真心慳返唔少時間！

大約做咗3個月，我就完成曬10次F8生髮療程，由廿幾歲開始甩頭髮嘅情況改善咗一半有多！Perfect Hair嘅顧問話，我keep住做嘅話，有望係一年內同以同脫髮講Bye Bye！嚟緊我淨返1,2次未做，但係啲髮量已經回復得七七八八！完全係可以遮到個頭皮，完全唔洗擔心被風吹起會見到曬個頭皮啦！

而家我幾乎可以同甩頭髮嘅問題講Bye Bye~如果你都想可以唔再擔心甩頭髮嘅問題，真心推薦你試吓Perfect Hair嘅F8生髮療程，唔痛又唔貴就可以養好把頭髮，連我呢啲咁難搞嘅脫髮問題都搞得掂，相信大部分甩頭髮嘅情況都得！唔好猶豫啦，即刻試吓Perfect Hair F8生髮療程啦！

免費體驗：Perfect Hair F8 生髮療程