Boston Marathon 之路

20211024渣打香港馬拉松

繼2019年9月的柏林馬拉松比賽後，等待了足足兩年的實體馬拉松比賽終於完成了，感謝主🙌

3⃣️小時1⃣️8⃣️分4⃣️秒，打破咗個人最佳PB, 及再一次BQ。

比2017年我第一次海外比賽日本金澤馬拉松，快左接近4⃣️分鐘。其實是不錯的成績。因為2019年柏林馬拉松（被譽為最速賽道)，我都要3⃣️小時4⃣️2⃣️分才能完成。這3年一直有傷患陪著我過，所以今次有這樣的成績我係十分開心的。但唔滿意，係點解呢？

按16周的訓練、RQ丶Stryd丶Training Peak等資料，我制訂了相對穩陣的目標時間3小時16分59秒(確保能BQ之餘，能直接去到殿堂級的Boston Marathon) 為今次全馬目標，即每公里4分37秒。

星期四下午請假取了選手包及跑最後一課，當晩睇埋物理治療，清吓啲疲勞。星期五丶六整2天都好休閑咁在家中過。

比賽當日瞓夠起床丶食早飯，出門口。雖則有小插曲，就係快上地下鐵列車時才發覺自己冇帶口罩。感謝天父，最後求助屋苑大廈的保安員借了個口罩才解決了。到尖沙咀時，去完個廁所，便準時到達原先約咗跑步同學會的跑友賽前影相的地方熱身，但過了約定時間5分鐘，也不見他們出現（往後得知因地下鐵班次較疏，他們趕不及來)，所以只好獨自進入起跑區等候。

站在6:20馬拉松一組頭一批順利出發。天氣清涼丶乾燥，頭2km已覺喉嚨乾涸，5km水站喝水後，舒暢很多。

一路跑向昂船州大橋都以穩定pacing完成。但到水站有運動飲品取時，發覺係蔗水，飲後感覺上冇保礦力咁上力。左腳膕繩肌出現過緊，到16km抽筋，要停下來拉筋（浪費左20秒) 。

往後跑時改變左少少跑姿，少啲拉起，重心向下多啲，減少對抽筋部位的負荷。汀九橋那段真的十分大風，跑起來需用上更多的氣力。一路跟住旁邊一位與我pacing相同的師兄跑。到25km時，仍比預估時間快1⃣️分鐘。

過咗29km，左腳膕繩肌真的抽到要停下來入救傷站，自己用松節油按摩了一陣（前後浪費咗2分鐘)，又繼續跑。到30km時，比預估慢1⃣️分鐘。

到過咗與半馬路線重疊位置附近，旁邊有位師兄同我穿相同跑衫（本地品牌，在門市可以買到)。我從後望一望他，原來係老死雄(他跑半馬)，我立即大叫他，就係咁我叫佢就住我，帶住我跑。落斜跑慢啲，平路丶上斜加快速度，一直致西隧。

西隧入口撞正十公里起步，加上半馬人潮同步，比較多人，隧道中間焗到爆。左閃右避，穿過人海已經浪費唔少體力，一出西隧仲見到大大個烈陽出來了！左轉上斜時，路面放咗好多雪糕筒，得一條行車線，進一步收窄，直頭塞車咁。由於10km跑手大部分都穿上大會的綠色Tee，感覺經歷魷魚遊戲的景況，當然我並沒有粗暴地撞開別人，但偶有碰撞無可避免。只可以say個sorry，就繼續跑。到35km時，比預估慢2⃣️分鐘。

繼續跑，碰到Carmen 姊妹(她跑半馬)，三個人一齊跑了一段路。到一個水站時，因人太多，自己沒有埋去取水，沒有慢下來。就是這樣，他們的聲音消失在人群中。繼續沉著應戰，左閃右避，浪費了不少時間也沒有辦法。左轉入龍和道時，突然聽到舊同事G 叫我的名字為我大力打氣，我當然回望他大聲回應啦！縱然已經冇力氣，但一心諗住有咁多人支持我，不可以慢下來，咬緊牙關，見人過人，加速向前，忘我地繼續跑。到40km時，比預估保持住慢2⃣️分鐘。

同自己講忍埋個馬獅道天橋落斜段，左轉入平路鬧市便火力全開。路旁的群衆打氣聲不絕於耳，自己已經忘記左腳膕繩肌抽筋的事，繼續見人過人。聽到群衆耳語，條友跑咁快，應該係跑10km，心中不禁一笑置之😉。

到最後一個彎進入糖街，拼命加速，平時長課後的200m衝刺跑大派用場。最後振臂高呼地衝過終點。比預估完成時間慢1⃣️分5⃣️秒

今次在早段時已抽筋，某程度上反映

1. 針對性的肌力訓練不足-如臀大肌及膕繩肌

2. 策略上失衡-前半馬的上斜路段的pacing要慢10-15秒（特別是昂船州大橋及汀九橋)，減少肌肉積聚乳酸的問題提早出現

3. 大會及自己的補給要精確計算

下場馬一定會做得更好的💪

多謝家人和跑友一直以來的支持、留言、讚好及鼓勵，係我進步丶追逐夢想的動力！

可否去到參加Boston Marathon, 下個月尾就知道😊！有好消息一定會通知大家😉

今日下筆之時，已確定達標，只係疫情關係回港後需要隔離14日，需請長假加埋酒店費用，唔駛做咩？

睇落去嘅機會不大😮‍💨

#posemethod

#nevergiveup