My little detour - 《hello Xela, hello Guatemala》

原來過完墨西哥境再上車難駛多陣就到危地馬拉邊境， 雖然係跟shuttle bus過，但都係要自攞埋行李行落車過境， 就好似行過對面咁容易。 行到去個警崗咁0既危地馬拉入境關口， 由於行李係唔需要檢查0既，所以入去之前放一二邊就可以(當然都擔心會比人攞左，但同車0既人都好守望相助的)。

我比左本passport個入境職員，然後話想學西班牙文， 問佢可以唔以比三個月我， 佢笑笑口話無問題...搞左陣佢比返本passport我， 同我講我本passport係唔使簽visa的。我知....我知呢的真係睇彩數， 咁喺Mexico問左兩個危地馬拉embassy都話要，咁我點敢唔整呢? 不過佢而家比三個月我都算補數啦。 

當大家都辦完入境手續就上返車，因為還要開一段時間先到目的地。今日真係唔係一個適合移動0既日子，因為天氣麻麻落雨濕濕的。而行車中途突然車上有人大叫， 好似話前面架車飄移， 車上人同司機仲舉報左佢添，好彩無意外發生。

跟住約4點左右，無啦啦聽到Xela呢個字，再問返好似話去Xela的落車。 我話唔係話送到我去hostal門口咩？ 原來佢截架車載我地去， 所以要攞埋行李過車，而其他人就繼續旅程去Antigua。去Xela的計埋我得三個人，好彩同行0既情侶都知我廢廢地，所以都會話我知之後會點會點。

5點前終於去到Kasa Kiwi，我在Xela的落腳點。放低嘢後去左銀行撳左2000 quetzal (Q), 收左Q41.5 charge。

返到去坐左陣就認識左三個同房，佢哋問我一唔一切出去飲嘢。又好! 跟住佢地左我去的open area0既cafe，佢地仲點左一jar啤酒，而見我只飲一杯仲唔使我比錢添!

飲完嘢我地仲一齊去食晚飯，而我就點左個豬肉湯，不過麻麻地! 期間仲研究下亞洲人同西方人0既年齡外貌差距, 哈哈! 呢餐連埋tips食左Q62 (Q57+ Q5 tips), 我都好驚訝點解我會比tips, hahahaha),食完返去沖涼瞓。

提外話，其實Xela即係Quetzaltenango的簡稱，可能因為音節太多，所以無論本地人定外國人都會叫呢個地方做 Xela

用：Q157

Q95, 2晚homestay

Q62 dinner

(危地馬拉貨幣同港紙兌換大概當Q1=HK$1就可以)