My little detour - 《是日是夜？》

2022 年 2 月 4 日

8 Jun 2019, Sat (Day 10 雨->晴（熱）， Havana, Cuba)

就係咁無日無夜，完全唔記得自己搭左幾多同幾耐機之下，我成功到左Havana的Jose Marti international airport。落機搞埋手續去到arrival hall都係凌晨12點幾，好彩搵到個靚位坐，係有蚊囉！坐下恰下...而家都仲係4點17分。不過呢到感覺ok安全架喎，係ground floor太多兜客司機，我上左二樓departure hall坐。本來諗住換錢，當我2點幾動身時，佢話close左，凌晨3點再開，但我呢刻都未見有人囉！

但我影低左個兌換率，咩咁鬼難架，好彩有抄低人地的教學啫，係機場換大概€0.9185換到1CUC (1/1.08915), 1CUC換到24CUP。我又坐坐下到5點幾，終於又的起心肝去廁所同暢錢，我決定先係機場暢€20, 咦，今日個rate好琴日少少喎（1/1.09368），咁而家即係暢到21.85cuc, 咁我再請佢幫忙，用1CUC暢24 CUP, 但兩款銀紙係手，媽，我好亂呀，邊款打邊款呀😱 (經我細心研究後，我分到喇，人像的是CUP, 建築物係CUC, 為免搞亂，我分左兩個袋入起佢🤣

呢到差不多7點先天光，咁我去多次廁所之後就朝T2出發搵巴士。由大堂出到嚟轉右手邊，啱呀，之後見到個後生仔，問下佢係咪呢個方向先，佢話係喎， good! 但行多幾步又覺得唔係路，有人係到緊係問人啦，佢話行返出T3門口向前直行方向先啱喎，又好，信你一次。點知仲衰，分明係車行的路。無理由有maps me都行唔掂嘅，加埋見到有對本地人行呢個方向，好，死跟！原來頭先發雞盲，咁大條草地路都睇唔到，地圖路線又正確，衝呀！

行無耐，已經有的士司機開價10CUC話載我，我唔知點解會拒絕，明明身心俱疲。可能真係好少見亞洲人，個個見到我就算唔識講，都好樂意指示個方向。仲要去到迴旋處我稍有疑惑咁望返佢，佢隔咁鬼遠都用手勢指返啱的路比我，而另外三輪車司機都老遠叫住我唔好行錯！回歸正路繼續行，無耐有架老爺的士話4CUC返havana, 去呀，好吸引呀，我遞上地址，佢同個女就送到我去hostel hamel門口了。

去到hostel第一時間緊係登記比錢啦，唔知點解uncle計嚟計去都係收三晚錢，三日兩夜點會計到三日呢, 最後為免麻煩，我決定住4日三夜🤣，入房放低野（嘩，冷氣好涼）直接衝去廁所沖涼，嘩，舒服晒!

但得一個廁所，我都唔敢霸埋嚟吹頭，真係有同理心。搞掂後攤上床恰埋眼休息。到11點幾係時候出動暢錢，點知咁難搵，搵左一間咁啱佢close, 另外maps me顯示的又未有存在，但無錢真係唔掂，最後去左酒店唱，酒店rate衰過機場，不過無計，無錢無安全感呀。不過由於個rate係真差，所以都只係換左€20。兌完錢因為著拖鞋著到好痛的關係，我返嚟hea左陣換左對鞋買埋先再出去。其實主要都挑戰搵cadeca, 點知原來樓下已經係嗰個廢物改建的文青地方，再跟住maps me行，我連嗰的咩兵器廣場，主教堂都見返。唔掂，今日真係堅攰，要早的返去休息至得。不過熱力難當，我都買多次汽水(20 cup)買個burger (25cup)先返去。