女人口不對心都不是甚麼新奇事，但有時口不對心的程度之高卻有令我很驚奇。

究竟女人諗啲乜？

以下全部係真實個案、真實對白。

個案 1﹕想幾點食飯？

「想約幾點食飯？」

女人﹕「是但啦！」

（「是但」即係無意見啦？）

「咁 12:30PM。」

女人﹕「咁早！唔好啦！」

（咁又話是但？Lunch 唔係呢啲時間食嘅咩？）

個案 2﹕外賣買乜餸？

「叫外賣吖，你想食咩餸？」

女人﹕「你想食乜？」

（我問你，你又問返我⋯⋯）

「粟米斑腩飯。」

女人﹕「吓？唔好啦！啲魚邊係啲咩斑腩，雪藏魚之嘛！」

（咁你又問我想食乜？我真係想食粟米斑腩喎）

「咁椒鹽鮮魷啦！」

女人﹕「又咁熱氣呀？嗌個啫啫雞煲算啦！」

（咁我一開頭問你想食咩餸你又唔直接講要 JJ chicken？）

個案 3﹕想食邊間餐廳？

「XX 請食飯，問食啲乜好，話今餐食餐好㗎喎。」

女人﹕「有乜好嘢食吖，咪又係嗰間日本嘢。」

「唔一定嘅，附近其實有間西餐都不錯。」

女人﹕「佢都係去嗰間日本嘢㗎啦！」

（食飯當日）

「去日本嘢啦。」

XX﹕「唔一定要去嗰間日本嘢㗎，呢度有無西餐？」

「有喎，又真係有間不錯，不過佢（女人）係想食日本嘢㗎喇。」

女人﹕「我無所謂㗎，你哋話囉。」

（我 — 唔 — 會 — 再 — 信「無所謂／是但／你話啦」）

XX﹕「咁不如去食西餐吖。」

女人﹕「吓，西餐呀⋯⋯」

「算啦，日本嘢啦！」

（我都話㗎啦！根本就係想食日本嘢！）

女人為何總是口不對心？

女人總是口不對心。

當然有例外，但口不對心的還實在蠻多。

明明可以直接了當，是就說是，不就說不，但女人就是愛轉彎抹角，要你猜猜、要你想想。

女人，好煩，但又好可愛。

不可愛的女人是好很煩。
不煩的女人是好很可愛。

但究竟何解呢？

先天性「公主病」隱性基因？

我內心有這個假設，就是每個女人其實都有先天性「公主病」隱性基因，即是說任何女人骨子裡或 DNA 裡都是想當公主，只是有沒有病發而已，但全部女人都是潛在患者。

（戴頭盔先，驚女人好小器嘛﹕嗱，我純粹假設咋，大膽假設下，女人唔好嬲，我都係女人，假設又唔一定啱嘅，以下只係我嘅思考過程⋯⋯）

為何女人內心都想當公主呢？

想被愛被重視

其實就是想被愛、被關注、被重視，希望自己有幾十盞鎂光燈射住自己。

人人都想被愛，這跟「口不對心」又有何關係呢？

因為說出口就不矜貴。

譬如，情人節想收禮物，如果直接了當說自己想收禮物，那就不夠矜貴了，公主又怎可以不矜貴？所以口裡要說「不」。故作大方，故作不在意，但心裡其實都想被重視。

雖然明明口裡說了「不」，如果男友/老公真的零表示，又會覺得對方愛不夠。

「我話唔使啫，你如果有心送都可以送㗎！」

嘩⋯⋯

如果明明說不，但男友/老公依然送上禮物，那就代表他真的很重視她了，非送禮物逗她歡喜不可，那就更顯得她在他心目中有地位、有分量，是他的 Princess 他的 Queen，被愛、被重視了。

一項形象工程

那個案 2 的「粟米斑腩飯」又怎樣解說呢？

一個公主當然是（自以為）心地善良又美若天仙，聽取民意這種是最基本的文明態度，當然要讓其他人有發表意見的機會啦！

但潮流興假民主、偽諮詢，意見可以聽聽，但不用參考，更加不是用左右本來已有的決定。

如果對方猜得中自己想要甚麼，如此知曉心意，那 OK；如果猜不中，但都順從自己的意願，於是又贏了，自己還是能左右大局、一錘定音的 Princess & Queen。

口不對心？都是形象工程之一而已，若對方臣服就更加是 bonus。

說到底

或者，也不定是「公主病」基因，而是害羞？有些話不好意思開口說，不好意思承認，最好有人識趣做自己肚裡的蟲，但世上哪有那麼多聰明蟲蟲？尤其女人的肚裡總是有個大迷宮。

女人呢，說到底也不過是想被疼愛吧？

其實，把話說開了也沒有甚麼不好意思，想要就說想要也不是不矜貴，也不是沒矜持。

好就說好，不好就說不好，這樣不是更簡單？還可以免除不少溝通誤會，或者這樣才能更好好被愛、好好相愛？

說真的，如果說出來就會對自己好，那已經很好了，也不用玩猜迷遊戲，這樣已是足夠的好。