My little detour - 《我與Jesus同醫生分別對話》

其實都曾經掙扎今日好唔好去tour, 因為一嚟我無詳細問Marija個tour玩的咩， 二嚟我隻辣傷的腳嘅傷口好似怪怪地。 不過既然又買左車飛， 去到就睇下點啦。

今日架巴士又遲到， 遲左15 mins, 我去到Celestun已經10:45am 。 我等左一陣就見到Jesus (同我接洽遊Celestun睇flamingo嘅tour guide) 嚟打救我， 我一開口就問佢係咪Jesus, 講完自己忍唔住笑左下🤣。 但我個focus落左去佢架電單車到， 我盡量都望清楚條死氣喉係邊， 有陰影呀大佬！ 再reconfirm個tour 係咪200 peso後我就企埋一邊等埋其他人先有得上船。

我地大約11:15am上船 (200 peso)， 先去睇flamingo, 再睇紅樹林， 其實flamingo都係紅樹林到, 我仲見到flamingo比人類嚇到飛走晒的景象。

全程西班牙文解說， 偶爾墨西哥爸爸會解釋一兩句比我知，所以我好多時都係專注影， 因為真係唔知講緊咩。 呢到的水都ok, 但都係7 colour lakes靚d, 不過人地淡水又無得咁比。 最後節目係落水， 而我好明顯無準備落水亦因腳傷唔想落， 所以係到幫佢地影下相（但無比返佢地🤣）。

遊完成個boat trip大概係1:15 pm, 但由於太熱關係， 我無諗住留係到行， 隨即去左巴士站買2點鐘車飛返Merida了 （60 peso)。

原來呢程車落車個位唔係出發嗰個站， 無計啦， 唯有行。 但睇地圖原來都近郵局喎， 咁一於順個便去一去。 去到， 原來我又錯了，原來只係得郵筒， 咁我唯有厚面皮咁問擺檔嬸嬸郵局係邊， 佢話後2條街轉右...當然我都係搵唔到啦。

但咁啱又比我發現近recept 姐姐介紹我睇醫生嗰到，即管搵搵。 可能個天都好想我睇醫生， 竟然比我搵到， 我入左藥房show傷口， 佢叫我去睇醫生。呢間farmacias similares其實係一間藥房， 佢係一邊配藥， 另一邊有醫生睇（其實喺呢到， 如果小病的話， 的人係會去藥房睇醫生。 呢到有診症服務， 診症完會開張藥單， 你可以按需要買藥， 唔買亦得， 得左！）。

咁佢當然知我唔識， 所以帶埋我過隔離， 真係係隔住幅牆的隔離， 佢叫我推門入去轉右或向前。窮人上身， 我第一句問貴唔貴， 又好相宜喎， 診金係45 peso。 我終於明轉右或向前咩意思喇， 兩間醫生房， 我入左轉右嗰間。 佢係年青女醫生， 我比佢望下個傷口， 個摸一摸搖搖頭。 佢問我點整， 我比幅電單車相佢睇仲指住左條死氣喉， 咁佢又明白咩事喇。 佢問我有無去過沙灘嗰的，我話無， 但琴日去過Uxmal, 好似比蚊針。 咁佢話可能係比蚊針引致感染， 因為佢話應該係有感染先會腫。 之後同佢雞同鴨講一輪後診症完畢 (成功歸功於google translate)， 佢開左張醫生紙比我配藥。 btw, 我都有問佢如果我移動去另一個城巿有無問題， 使唔使係Merida住多陣覆診， 不過佢話唔使， 照食藥照move就ok, 同埋佢話出街就包一包個傷口。而的藥有一隻係食7日， 12小時一次， 唔知係咪抗生素呢， 另外仲有枝藥膏， 佢話我本身搽開嘅木瓜霜同呢枝cream可以一齊搽， 仲有一盒藥係如覺得痛先食嘅。 咁我個人咁忍得痛， 本來諗住問佢唔要得唔得， 但問左只係17 peso後就要埋。最係知道係抗生素， 因為要食7日， 但一樽得10粒， 如果7日搞唔掂又要食多個cycle,咁唯有逼住買兩樽。 不過的職員對我好好架， 驚我唔明會再月 translate app解釋我知。 不過我當時諗， 好彩我揀左搭2點車返， 如果唔係點做咁多野。 

跟住我又去買車飛， 其實一直都諗住先去Campache, 因為廢事一搭搭咁耐車， 但我趁係Celestun返Merida時去左booking. Com睇住宿白， 好似全部都離巴士站好遠， 咁唔掂喎。 於是我又查下ado 巴士去palenque要幾錢。 咦， 朝早8:30車有折喎， 原本一程要718 peso, 但8:30an嗰程折得最勁， 我用416 peso就買到。 而booking.com又搵到車站附近住宿， 咁一於買啦。 好彩今次去到櫃枱都係呢個價， 但好奇怪， 本來我見show左係426 peso, 但用卡比錢又收返416peso, 我解釋唔到。

咁要搭早車， 我唯有返hostel去個廁所同曬一曬對鞋再去超巿買野。 我買左2隻大蕉加一樽柑味水， 希望啲水難飲(20 peso)， 跟手去埋隔離買繃帶加膠紙 （28 peso)就返hostel煮晚餐了， 丫， 明天真係要記住烚埋嗰五隻蛋。 再吹乾下對鞋同執埋的野都差唔多了， 希望明天準時起身。

已用： 1016 peso 

200 peso ( boat tour fee)

60 peso ( bus from celesun to merida)

45 peso seeing doctor

247 peso - medicine

416 peso - hs debit card (bus ticket from merida to palenque)

20 peso - 2 platino and 1 drink

28 peso - 繃帶and 膠紙