科技未來、未來科技(一)

美股上星期跌了不少，開的SP有平倉、有接貨，現在處於最壞的時候、最好的時候。

大量用了槓桿接貨SP，即係借錢買貨，風險增多了。星期一美國假期未知升跌，星期二跟返上星期五跌勢持續向下，即係損失更大。

講下接了什麼股票：AAPL、BYND、AMD、NIO、SE、SQ，每樣一手SP，即各一百股，價值港幣五十多萬，看見以上六隻都係科技或者叫未來股。

個人分享，AAPL蘋果是好股不用講。

BYND即係人造豬肉，如果有買餸煮飯就知道今天豬肉價錢每斤貴了很多，根據替代理論，人造豬肉係貴，但係賣點健康，當普通豬肉和人造豬肉價錢拉近了，就會有人轉買人造豬肉，預期BYND銷售更高。由於飼料上漲，每升豬肉價格只有向上，誘引轉去人造豬肉。長期展望理想。

AMD係成功需苦幹，CPU一路係Intel的世界，AMD只係二線，以前曾經有些Product威過，但係，Intel係市場有地方，加上現實社會，最後Intel都佔了市場90%（印象中）。近年Intel技術落後，用緊10nm多年，對手就進步到7nm，科技的世界中佬不是專家，但係，人有佢冇，注定會有部份被取代。近期晶片戰令到大家了解這行業，原來台積電先係寶，AMD拍到台積電，7nm的技術可以領先Intel，雖然Intel信譽良好，市場大，冇進步就係冇進步，遲早輸掉公司，近來Intel回購股份，代表以這手法支持股價，又代表有投資者沽貨。最後，Intel都要找台積電生產7nm CPU，代表和AMD技術冇乜大分別，剩下鬥市場吧。當然喇，Intel佔9成市場，唔係咁易改變，只係要靠人吧。AMD有空間進佔市場吧，假如AMD多10%市場，盈利可升以倍數增長。

NIO大陸電動車，呢個市場競爭更大，人人想分一杯，哈哈，恆大賣廣告未有車出都去搶，有點想不通吧。中佬認為NIO已經有盈利，希望唔係LK造數吧，它有很多點子，中佬相信可以換電絕對適應大陸市場。人冇佢就，中國人一定買NIO，為什麼？分享一下，一般電動力可航力約500km，如果係城市或者一般人十分足夠，因為城市可充電，一般人一星期未必用到100km，可能上班、去街吧，一星期充一次問題不大。但係，大陸有點不同，很多人會揸車城市去城市，或者城市回郷下，可以100-300km，更上至500km，如果冇得充電就死等。NIO可換電就可以解決這問題，路途換一換就成，已經有很多換車站，在主要高速路上，十分方便，就像大陸高速有油站，NIO有換電站方法一樣。當越多人用、市場越大、換車站越多，這個生態圈就係優勢。唯一留意係電池發展，當突破1000、2000km或以上，換電車未必需要了。

之後慢慢分享一下SE、SQ的看法。