中國的會爆炸 馬斯克: 特斯拉最大的敵人將會來自中國
中國的會爆炸 馬斯克: 特斯拉最大的敵人將會來自中國
近日 Munger 又再講起比亞迪，BYD 又再成為話題焦點，小弟都講幾句。
BYD 好多時都用來和 tesla相比，因為大家都係做電動車 ev。不過鬼佬外媒就喜歡用 豐田 toyota 去比較比亞迪，大家都叫做亞洲車廠，而且都係後來居上。
細佬自己睇法就，全世界車廠崛起後來居上其實故事都係差不多。德國 bmw 和 日本 honda 本田成長之路其實真係幾相似。講歷史，兩個都係二戰戰敗國，戰爭中提供武器，戰爭後不能做戰鬥機引擎，轉行做電單車摩托車，然後進攻汽車行業。
講回比亞迪，和 toyota 有好多相同之處，兩間廠都不是做車行業開始，都係由山寨廠仔開始。BYD 原本只係做手機電池，然後先去做汽車電池再去做電動車 ev pulgin hybrid。大家都受惠於國家政府資助政策，首先在本地市場練好技術，再進攻國際市場。
1955 - 61 豐田 6年時間中間增長咗40倍 ; BYD 聲稱自己用了 13年時間製造了 100萬架電動車，之後只用了 1年時間達到 200萬，再用了 6個月達到 300萬。
豐田經常畀人笑在電動車界落後，Toyota 在中國的合作夥伴就是 比亞迪，也都是混能車界中的龍頭。
作為工廠，兩間車廠相同之處都是著重效率效益。有玩開 “雙田” 汽車的都知道，這麼多年來汽車設計都大同小異，不斷在原有設計上改進，精益求精 ; 而 比亞迪就係 電動車工廠生產上，不斷改善無人化自動化生產流程，提高效率，減低成本。
BYD 喺 Gross margin 毛利率 方面 已經追到 Tesla。市場策略方面，比亞迪走大眾市場 ; 特斯拉就走豪華奢侈品 (價錢上) ev 路線。 比亞迪 車種也較豐富，的士巴士都有做，相對多元化。你會明白為什麼鬼佬會用豐田去做比較。
大家都知，比亞迪下一個增長點就當然係北美市場，進攻美國 (歐洲基本上冇問題)。中美關係現在如何，不用我多講。
不過小弟比較樂觀，比亞迪未來應該可以在北美售賣，只是估計多久以後。
為什麼? 因為相反地，美國車廠其實幾依賴中國的銷售量，中國汽車銷售量佔美國車廠不少的盈利來源。作為 (政治商業) 利益交換，美國是有可能需要開放市場給中國汽車。
再講，BYD 還有 toyota 這個好朋友。Toyota 在美國是一線大廠，比亞迪可以藉助 豐田在美國的人力物力資源去銷售電動車，copy 在中國的合作關係。
再加上，美國歐洲大力推行環保綠色電動車政策，甚至趕絕傳統汽油車 (細佬係一個 petrolhead)。中國ev 便宜的售價，絕對係一大競爭力和政治壓力，歐美政客需要便宜的電動車品牌去推銷政策，變相幫助低成本中國電動車進攻歐美。
BYD: 鋼鐵俠 Elon Musk 都認可的最具威脅對手。
