用個科幻腦黎抗疫&準備促進經濟復甦（二十三）你班專家做乜嘢！？！少少事都好似原始人咁！噏出嚟嘅嘢要似返個專家先得架！？！

用個科幻腦黎抗疫&準備促進經濟復甦（二十三）你班專家做乜嘢！？！少少事都好似原始人咁！噏出嚟嘅嘢要似返個專家先得架！？！

人哋話比你聽一百萬個確診數唔準，除出嚟個死亡率唔合理！

好啦！係就真係唔係幾合理嘅。唔理因為冇全民檢測又好，D 人報唔晒報唔切都好。

你哋掛住個專家牌嗰 D 的確係有責任有義務提出個似樣嘅解決方法固喎！

唉！

少少事都唔認真動下腦筋！

大規模驗抗體！？！

唉！

咪以為棟個「大規模」牌子出黎就特別威至得架！

驗抗體唔係核酸撩兩下喉龍就得！係要抽血架播！知冇！

「大規模」要幾大！？！十萬！？！一百萬！？！一個搞唔好搞出第六個波都似。就算得，呢個大規模又要洗幾多錢？洗幾多錢去證明個死亡率冇而家估算咁多？

唉！有聊得很唔會好似人哋咁，鬧完又唔提出解決辦法就算嘅。

方法如下：

一個中學生都識啦！邊洗咁麻煩啫！

用統計學嘅抽樣調查咪得囉！中學生都識嘅。

抽 500 個 samples 驗抗體，假如有 150 個有抗體嘅，咁實際感染過嘅咪就係：

（150/500）x7000000=2100000囉！

唉！

仲有呀！隨機抽樣睇下要求高唔高？

如果要求唔太高仲可以簡單 D 。

一個月嘅捐血人數都應該超過 500 ，又或者復診要抽血嘅都唔少，徵詢下呢 D 人願唔願意參與調查，如果夠數就唔洗專登搵人抽血，好簡單咁解決咗件事。

作者：有聊得很（manbolo88)