【亂世中 請先好好照顧自己】

短期內我哋未必能改變環境，場仗可能好漫長，但你並不孤單，成個香港有好多人陪你經歷緊相似嘅事，互相支持住行落去。每個人平復壓力、撫平創傷嘅時間都唔同，有人行得快啲、有人行得慢啲，唔需要為自己步伐同人唔同而感到內疚或者壓抑。

————————————————————

港大醫學院調查發現，近7成半受訪者有中度至嚴重 #抑鬱 症狀，超過4成出現中至高度 #創傷後壓力(PTSD) 症狀，更加有3成6人同時有兩種中至高度症狀。

25歲以下年輕人，比25歲或以上嘅人，出現更嚴重症狀。港大精神醫學系系主任陳友凱指，年輕人更常接觸創傷事件，過去一年發生嘅事正正挑戰年輕人重視嘅理想、個人意義等。

社運同武漢肺炎，有別於單次創傷，係持續發生嘅事件，社會不斷產生新嘅壓力來源，令人無時間梳理，累積重大精神壓力。長期受壓，容易演化成疾。