嶺南大學女工合作社「心意社」事隔一年重開 負責人嘆：好多貨過期 ，唔知點算
最近在嶺南編委刊登了一篇報道，寫一間位於大學，由屯門區弱勢婦女經營的合作社在疫情下面對的困境。說是「合作社」，但因收入不高、難以維生，走啊走啊，現在只剩惠平一人。但此處對惠平來說意義重大，在這裡學會認字寫字，有一份體面工作，還有與女工、同學一起相處的時間，都讓她捨不得。（感謝莊員賜圖）
-
【編委報道】心意社事隔一年重開 負責人嘆：好多貨過期 ，唔知點算
上星期一（5號），位於嶺南康樂樓1樓、專售零食及文具、由弱勢婦女專營的心意社，隨著開學及疫情放緩，事隔近一年終於重開。記者上周五到訪，發現以往填得滿滿的貨架，當日只剩幾行貨物，反而地上堆起幾個以Marker筆寫上何時到期的紙箱，並見負責人惠平一臉惆悵。
記者：Kaitlyn
► 惠平泛淚 稱寧免費送出不忍丟掉浪費
受去年「反送中運動」影響，學校即採取封閉校園政策，訪客難進校園。及後受疫情打擊，連師生也鮮有回嶺南。心意社只好自去年10月起一直暫停營業，不少貨品惟有「乾等」到過期。
負責人惠平憶述，回來第1天點算貨物，只見一包包食物，一樽樽、一罐罐飲品都過了期，頓時大失方寸，「好焦急，唔知點算⋯⋯又唔捨得丟咗佢，好浪費⋯⋯但畀人又驚食壞人⋯⋯」
「早幾日有學生走嚟問我，點解得返咁少嘢賣，我都唔知點答，我話好多貨過咗期⋯⋯如果你唔怕食壞肚，我唔收你錢，你拎去食，好過浪費⋯⋯」說著眼泛淚光。
► 逐戶拍門求接收 近一年零收入
惠平是老一輩性格，特別忌浪費，恐會「折墮」。她於是在過往一週，把心意社內過期但尚未變壞的食物，一袋袋給抬回家，並挨家拍門問鄰居願不願意接收過期食物。
「抬到腰酸背痛，我話免費畀佢哋，甚至話畀錢佢哋要咗佢⋯⋯但無人敢要。我其實都好怕食壞人，但又唔想浪費，好矛盾，唔知點算⋯⋯」
「我孫女見到我咁辛苦，勸我，阿嫲唔好曬氣啦，唔會有人要㗎啦⋯⋯但我好唔想嘥嘢⋯⋯」
「有學生哥同我講，過咗期都未必變壞，仲食得，好似係賞咩限（編按：應是賞味期限），會無咁好食，但仲食得，咁我個心都無咁唔安樂。」
「有啲教職員好好，會過嚟同我清咁啲（過期貨品），有啲保安同清潔工都係⋯⋯雖然佢哋會堅持畀錢，但我都係如果過咗期，就唔收佢哋錢。唔想賣啲過期嘢畀人，唔想攞人著數。」
看見別人陷入困難，不少人都會想施以援手。但對長者而言，他們很怕這種援助是出於同情，不想被人施捨，覺得有手有腳，就應自食其力。而能有一份正當工作維持收入，就是他們的尊嚴所在。疫情下，惠平未能回嶺南，又因要照顧孫女，以致近一年沒有收入，耿耿於懷。
► 疫情反覆入貨量難估算 憂費用轉嫁至學生
過期貨品尚未解決，又要煩惱入貨問題。說到此事，惠平眉頭深鎖，擔憂疫情反覆，故不敢入太多貨；但她同時又怕點太少，供應商不肯送貨，最終轉費用嫁到學生身上。
惠平說，現在入貨唯有盡量叫對方「畀啲擺得耐少少、無咁快到期嘅貨」，其中一批近日到貨的就是萬樂珠。她著記者幫忙「檢查」一下，發現其中一款在3個月內到期。惠平即感焦急，「唔係呀嘛，我叫咗佢哋畀長啲貨期，死囉⋯⋯」
期間，記者不小心弄掉一筒萬樂珠以致一粒跌出，遂掏錢說要買了這筒。惠平立即搖頭拒絕，「千祈唔好，係我叫你拎嚟睇，我請你食」。爭持幾次，說不過惠平，記者只好買其他貨品當作致歉。
►租約剩一年望成功續租：好唔捨得呢個地方
訪問尾聲，惠平表示，現在最頭痛的是，不知道學生喜歡甚麼貨品，「汽水隔離茶樓有賣，出面又有汽水機」，希望同學可以給她意見，入些同學喜歡的貨品。
惠平又說，現時租期約剩一年，希望能夠獲學生會續租，繼續為同學服務，「好唔捨得呢個地方」。
原文刊於 嶺南大學學生會編輯委員會 Lingnan University Students' Union Press Bureau
喜欢我的作品吗？别忘了给予支持与赞赏，让我知道在创作的路上有你陪伴，一起延续这份热忱！
