My little detour - 《最憎的衫唔乾要再洗》

2022 年 3 月 5 日

5 jul 2019, fri (Day 37 晴->雨， Bacalar -> Tulum -> Valladolid, Mexico)

為左慳巴士錢，本身預左早少少起身執野，搭8am 的collectivo返Tulum。不過由於琴晚瞓瞓下都比風扇吹到咳醒左，所以索性 6:10am就起左身慢慢執。錯有錯著，竟然仲睇到日出景致。 7:20am落樓，趕得切7:40am到巴士站。但其實我都唔sure呢個係咪真係collectivo站，但我喺有見過去唔同地方的collectivo會喺嗰到停嘅。但等下等下，過左8點喎架車都未到。而原本一齊等車嘅人都去左搭mayan bus, 於是我忍唔住走近疑似係collectivo的職員問究竟係咪呢到等車。行案係無錯嘅，原來我一直以為叫賣食物嗰位，佢係真職員而且仲叫緊個地方名。佢最後指左個位叫我等車（其實相隔廿零步），仲打埋比司機問佢係邊添。而巴士最後8:30am到。

我係車到瞓得好好，唔使11點已經到左Tulum。咁我又識自然醒，然後再開個maps me嚟睇，原來佢喺個好近巴士站的位置落客，於是我順勢喺到落車行去買車飛。本來琴晚已諗好買1:35pm的車飛，因為有折只售77 peso only, 但原來今日買又唔係呢個價喎，而家要146 peso，好難明呀！個差距咁大，於是我忍唔住問有無邊架車會平d? 佢話5分鐘後有架mayab bus, 單程103 peso，就呢架啦。但最後發現原來可以上車買飛， 95peso咋，咁但係班次邊到有得睇呢可。

話咁快又到Valladolid, 好彩hostel都好近巴士站，兜左少少路就搵到。呢間hostel住兩晚酚247 peso。

放低野我就諗住出去暢錢，點知只係見到一間money exchange, 佢個rate係1 US = 17.2 peso, 嘩，其實可唔可以再低d。等我食少少野諗下先，我去左個類似foodcourt嘅地方，千揀萬揀都係揀返pollo soup with pasta 襯幾塊nacho (45peso) 同一杯melon果汁，個湯無上一次嗰的咁咸，仲少少辣，都ok gei, 而melon juice係正嘅（15 peso)!

點知係呢個時候落大雨，我剛剛喺hostel晾出嚟仲未乾嘅衫可以講bye bye了，我真係好黑仔，成日應左晾衫都落雨呢個宿命。之後我又行左去一座街巿物體，不過都收鋪了。本來諗住試下去銀行暢，點知2間銀行都無暢錢服務。我有諗過兌換店暢少少錢，但又諗緊自己未用過atm, 試下work 唔work都好。其實佢就無寫rate嘅，但有話你聽佢呢邊會收68.x peso手續費。為左抵返條數，我唯有撳6000 peso出嚟用啦。

撳完錢之後我諗住返去睇下的衫，好好呀，有人幫我移左張晾左衫嘅櫈去遮底，唔洗再洗，yeah! 但條褲有陣up味，逃唔過再洗命運。跟手我又出去行睇下衫袋又睇下巴士，我決定明天先去粉紅salted lake, ado無巴士去但oriente有，不過姐姐叫我明天先買飛。

之後我仲買左幾對耳環，當我行去 Convente of San Bernardino de Siena時，仲經過間屋，見佢貼生果名以為佢賣果汁，原來係果汁冰先啱。等我都買個mango試下，又幾唔錯喎。同埋嗰條街都有野行，衫鞋都好靚，可惜太貴。而我又再行左去疑似熟食巿場側的商場仔買耳環，其實我見同款人地賣150 peso一對，佢賣50 peso, 仲肯比我買四對收平（150peso) yeah。再食多個tortas （25peso)我就返hostel了！