My little detour - 《窮鬼免費參觀聖家堂 + Museu de Cultures Del Mon De Barcelona》

今日好開心呀， 雖然唔係樣樣都預期之內， 不過都算充滿驚喜😊😊

話說今朝真係一早起身（ 即係7點）睇下係咪真係人地網誌咁講，逢星期日 8:30am前去到聖家堂排隊（quota 700人）可以免費入場咁荀先。 我又係用行路的方式跟住maps me去， 好彩無咩行錯， 唔使半個鐘到左。 咦！ 唔對路喎， 點會得小貓三四隻影緊相， 我影左幾張後， 見到幾個從形態估計是中國人， 心裹堅信跟住佢地一定無錯🤣🤣

係， 係啱嘅， 原來我響排隊入口的另一面， 好彩無一舊飯咁等運到啫！ 成個過程都算順利， 做埋安檢之後再排隊等陣就可以入教堂了。

由於我一條友， 就比人塞前幾行， 算唔算錯有錯著？ 的人坐定晒後， 就開始左個幾鐘我完全跟唔上亦聽唔明的彌撒， 仲有幾滴聖水從神職人員隻手灑左去我面上， 好似賺晒咁wakkakkaka! 彌撒尾聲， 捐獻埋少少錢， 影左陣相就比人趕出去。

但唔好走住， 原來佢清理完之後， 差不多相隔20分鐘， 係會比你入返去參觀的。 入到去，我終於好辛苦咁搵到人幫我影相了， 雖然影不出當中的氣勢， 但影得我唔錯都真係算係咁了！

影到咁上下， 諗住都走人架喇， 但見有廁所梗係去埋先啦。 唔去由自可， 一去發現我其實miss左人地展覽部份。 睇完先真心瞭解到Gaudi有幾犀利， 點解可以咁叻， 設計可以咁獨特， 而且又充滿想像力。 佢係neo goetic的風格再加以改良， 當中又運用了很多大自然萬物的原素， 有葉有蜂巢有花有果， 睇到我毛管戙， 我好少睇展覽睇得咁detail, 真係睇完都 “0”咀，太厲害了！ 好可惜佢1926年比tram撞倒離世， 但佢嘅才華卻影響深遠！

玩到差不多11點先行返去hostel, 點知又比我撞到有festival喎， 勁多攤位， 我咁鍾意行巿集又點會錯過。 呢個festival好似叫咩 “Fira Modernista de Barcelona”, 有的人打扮返舊時年代咁， 又有巡遊又有野食又有野玩， 睇到都開心。 跟住我決定食埋個晏再返hostel take a break。 我今次去左間cafe仔， 點左ham sandwich, Americano 同埋一舊朱古力donut仔， 總值€3, 都唔錯呀。 食飽真係返hostel hea左陣， 再出去睇每月第一個星期日都係免費的picasso museum。 

行左陣終於到picasso museum...係唔使錢呀， 可惜原來的飛要reserve, 我同picasso真係無緣了...！不過好彩， 跌左個橙執返舊柑， 佢隔離有間Museu de Cultures Del Mon De Barcelona, 今日又係free entry, 但都要攞飛入場的！ 的野都好得意， 原來發覺源自美洲同非洲的展品比較啱我心水， 亞洲野無咩feel! 之後仲經過一個咩el born ccm同一個em born ccm一出去隔條馬路就到的城堡公園, 但感覺麻麻。

睇完又周圍碌，餓餓地買左隻蕉加啤酒物體 €1.01, 我仲以為係cider...都唔好飲嘅！ 之後都唔知自己碌左去邊， 應該有barcelona universitat隔離個地方有個演唱會， 本身唔知咩嚟， 人入我入， 又唔使錢， 結果唔係太啱心水， 企左陣我就走了。最後我諗住行去超巿買野， 噢， 原來佢今日休息。無得入貨， 唯有去麥當勞解決， 叫左個雞包+沙律+汽水一共€3.9, 普普通通啦！

跟住返到hostel沖涼， 我估佢地個海邊concert今日先last day, 獨霸間房感覺也不錯！

嘩， 好彩hea 係床時望一望達利博物館點去， 原來3/6閉館架， 去左真係喊出嚟！ 好彩我個公園買左5 june, 所以達利後日去都得， 見的飛所淨無幾， 我決定....訂埋飛先(€14)， 真係豪使了今次！ 

 今日共用：€11.41 (cash) +€14 ( debit card)