My little detour - 《無溫書，原來Bonampak同Yachilan係近Palenque多d架》

2022 年 3 月 18 日

13 Jul 2019, Sat (Day 45 晴， Palenque -> San Cristobal, Mexico)

今日又係哈爾移動城堡，由Palenque去San Christobal de las Casas要差唔多9個鐘車。而琴日京燁話我知要咁耐車程的原因係因為係山路佢要兜大圈，所以如果我先去Tuxla係會平d同快d, 點解，點解我咁遲先見到佢，我張車飛係用debit card係咪無得退架😭。仲要最慘係我一直以為自己買左8:05am車飛，原來我係買左8:30 am...

呢架OCC巴士都唔錯，可以叉電（Ado都可以），但另一個重點係佢廁所幾乾淨，仲要無臭味，我都幫襯左。既然係車上無所事事，食完包同蕉飲埋枝野又瞓，但諗諗下不如網上訂定Oaxaca住宿，因為我驚差不多festival時affortable的住宿都無晒， yeah, 最後成功訂到三晚住宿，不過離巴士站遠少少囉，好彩都包早餐。

終於搭完9個鐘巴士，中間有停過幾次巴士站同一個小食亭，其實for我時間唔難過嘅，不過係浪費少少時間。今日天色麻麻，點知落車前無耐落雨，好彩落車時都無咩雨。但原本我以為巴士站係距離hostel 9分鐘步程，原來個terminal係1.5公里外，不過25分鐘內行到。順帶一提，呢個城巿係需要著外套嘅, 實在係個驚喜。我見地圖顯示我已到左hostel,但我竟然搵唔到，我再望一望個地址，丫， show 出嚟唔多同名咁，不過anyway 呢間Hostal El Rincón de los Camellos唔貴，唔使100 peso一晚（192 peso for 2 nights)，所以我開始諗住唔住之前韓國同房介紹我嗰間韓國人開0既hostel, 但我又好想食韓國嘢，所以我再諗一諗先。

去到hostel識到一個美國人同房，佢叫Tammy, 佢真係好nice。最搞笑其實佢係另一間hostel的manager, 佢用workaway apply左呢份volunteer job, 但由於佢想真正休息，所以今晚住係另一個hostel唔想人搵到佢🤣。佢首先帶左我去食taco, 我食左4件再加可樂，加埋佢嗰件都係65 peso (9 peso for each taco)。之後我地講起Guatamela, 佢仲介紹左另一個學西班亞語嘅地方，係位於San Pedro的ORBITA Spanish school, 嗰到近lagoon環境好好，學費連homestay連一星期約US100, 好抵喎。好心郁呀，仲要San Cristobal有車過境去Guatamela, 而且只係US$30咋！等我都努力上網搵資料先。

之後我地行左陣就返去，而我就揀自己出去再行多陣。唔知係咪凍，行行下見到朱古力奶好想飲（20 peso), 於是叫左杯坐低嘆。坐隔離位的意大利叔叔仲同我傾偈，原來佢又係旅居架，佢義務教Ruby換住宿，真係好有型呀！

say bye bye之後我再行，呢到的野太靚喇，我行左3，4條街已經買左3對耳環（60 peso) 同幫襯阿根廷女仔買左髮飾（髮夾及橡筋 70 peso 好靚呀，不過條橡筋顏色唔多啱，佢話可以整過比我，不過要星期一先有，好呀！

我攞左佢instagram, 但唔記得影低佢擺攤個位的相添😅。返到hostel再同Tammy傾左陣先去沖涼，沖完涼佢已預備好張note比我，嘩，超有用的information。佢仲話另一份工等緊佢，係幫人看屋架，叫做Mayto beach, 等我睇下有無機會去到先。不過佢明朝返自己hostel了，我臨走前一定會搵佢。同埋我今日問埋韓國人hostel可唔可以stay 3日，而家等佢覆。