拾荒書介: The Last Kings of Shanghai

坐係Ritz Carlton 113樓，俯瞰住有啲褪色嘅香港夜景，讀緊 Jonathan Kaufman 的 【The Last Kings of Shanghai】，諗緊嘅係香港嘅未來。

書講兩個猶太家族（沙遜同嘉道理）在上海發跡嘅故事。同樣來自巴格達，兩個家族因緣際會成為上海或者說中國最有錢嘅外來家族。前者起咗當時全球最豪華、最摩登嘅華懋飯店（即今日和平飯店），又有份創建滙豐銀行 ; 後者則擁有香港人熟悉嘅半島酒店同中華電力。嘉道理其實擁有上海最豪華嘅大宅（大理石宮）與及在華懋酒店建立前最現代嘅大華酒店，但當沙遜家族仍加重上海投資時，嘉道理悄悄轉移重心到香港。結果是新中國成立時，中共沒收兩個家族資產，沙遜走向敗落而嘉道理繼續繁盛。

讀此書冇法唔諗香港，而我唔係用上海作比較，反而係諗巴格達！巴格達當時唔止係中東最富裕城市，甚至係全球最國際化城市，而沙遜家族原來係巴格達首富，嘉道理在當地亦係富裕階層，點解同樣離開？原來係當時嘅宗主國鄂圖曼帝國變得貪得無厭，而且失去對其他文化嘅包容性，令到年青一輩離鄉别井。之後嘅巴格達？

香港以前真係一個國際都會，依家？哦！大灣區喎。仲要趕走最叻最有承擔嘅一班後生仔。