My little detour - 《熟悉又生保》

2022 年 2 月 22 日

25 Jun 2019, Tue (Day 27 晴 Giron -> Havana, Cuba)

琴晚瞓得麻麻地，起左好多次身，可能因為我較到個冷氣17度仲要開風扇所以有啲凍！咁由於今日12:30pm車，所以一的都唔趕。本來我plan住10點先起身，但最後我都9點幾騰左出去搵野食。我行到附近的一間小食鋪，嘩！咩咁貴架，平時6cup一個的pan con jamon, 呢到賣成1cuc喎。我咁孤寒咁梗係唔買啦。唯有行返轉頭諗住餓住個肚去Havana, 點知又比我發現到另一間鋪仔，呢間收費貼地好多，我叫左個pizza de jamon (15cup)，食完我仲叫左杯black coffee飲添（1 cup)。

因為外面太熱又無咩特別嘢做，都係返homestay先。 Host伯伯見到我，原來佢有預埋我早餐架！滾動死了，我以為我地雞同鴨講下的討價還價只包琴日的早餐，估唔到原來佢offer埋今日的早餐，仲要比琴日多左片腸仔同埋薄餅添，但其實我都好飽，不過唔可以浪費架，所以我又食晒。至於琴日嬸嬸送我的芒果仔，唯有攞返Havana 啦！

旅行會變準時精嘅我， 11:30am已還鎖匙同出門口，丫，狗狗竟然攔住我嘅去路，逼不得已下我只好跨過他喇。 11:50am 去到viazul check in, 今次我第一次擁有手寫單（13cuc), 但最搞笑係咩，我以為係12:30pm有車，原來12:30pm要再check in, 其實邊鬼個將簡單事情複雜化架呢？ 11:50am比錢買飛， 12:30pm都仲要去同一個地方check in, 真係把鬼😱！

咁我無無聊聊坐低等，仲有幾分鐘就要check in時，估唔到viazul姐姐出嚟搵我話我夠鐘check in喎，咦，又會咁好服務嘅！佢比左張手寫同用針拮係正確資料上嘅車飛比我，仲話我知架車大概會12:45pm到，咁當然無準時到啦。不過我深信我無miss車，因為我明明金精火眼望住，無可能會miss, 而中間只有一架transtur經過之嘛！不過好彩，到左12:55pm佢終於到左。問左司機叔叔係咪去Havana後就搬埋行李上車了。

架車好快就開，仲經過我之前想去無去的Punta Perdiz，係真靚架喎的水！不過算啦，我如果嗰時好熱切想去應該一早搵左方法，緣份嚟嘅。咁之後架車經埋Playa Larga之後就兜左去放飯，咁當然我都唔會食啦，唯有坐低等開車。原來同車都有幾張asian faces，其中同一個uncle對望左一眼，佢用日文問好，問我咩人，我話香港人呀！咁之後我地就係到吹水，佢已係古巴三星期，去左Santiago de Cuba, Boarco等，佢話個trip ok la, 野食都可以，但佢已經好掛住日本野了。佢話返到Havana有間日本野佢要去食麵解相思之苦，因為我地一致認為呢到的意粉凍冰冰好怪🤣，佢住係大阪，仲介紹我如果鍾意去行山，可以去四國的八十八寺，三至五月份是好時節，六、七月就雨季，十月都ok。

晏晝差不多4:30返到Havana, 雖然開左maps me, 但其實唔使睇都行到返之前住嗰間hostel。如常撳鐘，如常等hostel Hamel的host開門，其實我唔知伯伯認唔認得我，但嬸嬸就認得。搞晒手續之後就攞床位 (10.4cuc)，瞓上次阿ki個位喎！

放低野之後我去廁所照照鏡，嘩，濕水欖核咁呀陰公！坐左陣之後我就出去了，丫，原來網上講間炸雞店就係我上次買汽水嗰間，我問佢炸雞幾錢，佢話2cuc, 咁貴咩？（我見網上話20cup一件，佢會收2 cuc), 咁我見寫pollo話25cup, 咁我就指住問佢，男嘅話ok, 但夾完出嚟女的話唔ok, 退返25cup比我。我都唔知佢呢個係真價錢定真收貴，算啦，咁唔買了。跟住去附近公園上網上唔到，再去後的等巴士位嘅公園就上到，真係失聯more than 36 hours。上左陣網就去買熱狗，咁，熱狗加汽水都係20cup, 唔怪得要排長龍。

之後我試行face大學的左手邊方向，咦！原來直行再轉多個彎係去返viazul架喎！我諗住再沿大路直行好似去新城嗰邊，點知有個local撩我講野，佢係讀完architecture 而家做緊野，佢好搞笑，同我一路行一路教西文，仲介紹我邊到有平野食同有sopa con arroz添，最後我係有湯飯食嗰間shop請左佢飲杯juice（8 cup total) 之後我地就分開走了。