《小遠行, 好得意的達利博物館》
因為買左12:30pm的達利博物館門票, 保險起見, 我晨咁早7點已起身裝身 (其實無咩好裝, 衫褲又已經著左嚟瞓, 係用手梳下頭同戴返副con), 跟手攞埋的麵包同雞蛋出去㕑房整埋個㕑餘包 (即同琴日晚餐一鬼樣, 係煮少隻蛋)。
![](https://assets.matters.news/embed/328d76a9-0b7e-48cf-898d-6e2d52167365.jpeg)
準備就緒就出發去火車站買車飛, 我係櫃枱買, 當然價格都一樣(€12單程), 呢架總站去Cerbere的車要係2號月台上車 (佢指示都清晰嘅, R11去2號月台), 但個牌我始終有少少睇唔明,保險嚟講都係問下人。 真相大白, 原來的火車delay左, 所以每架車嚟都有2個時間顯示, 一個係原定時間, 另一個係當刻時間。
![](https://assets.matters.news/embed/353d5da4-90c7-485e-be4a-7753d76e1304.jpeg)
![](https://assets.matters.news/embed/e68cb2b8-da43-4411-be8b-0da1b696b696.jpeg)
上左車聽住歌望下景比人查下飛, 其實唔覺唔覺就2個鐘多10分鐘, 去到已經11:34咁上下。 落車行去達利博物館, 唔難行喎, 指示好清晰, maps.me都唔多使用。
![](https://assets.matters.news/embed/5b50c0d7-7c4e-41b9-a9a5-a7953cb13166.jpeg)
期間我仲經過菜巿場, 買左個價值€0.3的蘋果即食添!
![](https://assets.matters.news/embed/f58f7208-4c24-4165-9aef-08777fadffc4.jpeg)
話咁快到左博物館, 但未到張飛的預定時間-1230, 所以都係影下相咁。 最後見開始有人排隊, 見時間差唔多照跟, 好彩, 如果唔係有排排。達利, 就係嗰個畫溶左鉈錶的畫家, 但我個人認為佢的雕塑仲出色(係佢架可?)。 博物館個頂本身有咁多隻雞蛋已經好可愛, 佢紅色的牆加埋的Emporda triangle直情可愛到爆....但點解?點解個外牆而家嚟做維修, 我唔濟呀!唯有望人地相止渴啦😪
![](https://assets.matters.news/embed/a0170777-bcb9-486b-8562-9d99c402ea1e.jpeg)
![](https://assets.matters.news/embed/d1846435-9a83-410a-b298-57a8aae25d8e.jpeg)
![](https://assets.matters.news/embed/176034bc-285e-4e3b-b69e-82da540f2389.jpeg)
![](https://assets.matters.news/embed/a0f5c0ea-6e16-4ba9-9069-dff0a452fe70.jpeg)
![](https://assets.matters.news/embed/c9a2ccf2-99df-4ae1-be8b-33e82d6954e9.jpeg)
![](https://assets.matters.news/embed/9dbec88e-1d53-4a15-b618-86d649b60952.jpeg)
![](https://assets.matters.news/embed/babb4966-4bb8-4550-a5ec-1baed4e9a4e3.jpeg)
![](https://assets.matters.news/embed/aa756894-0f49-4d53-bc59-5888a34b8eb8.jpeg)
![](https://assets.matters.news/embed/fb225413-fa36-4f87-aafe-a30141e459a9.jpeg)
去完達利博物館, 諗住周圍行下, 點知勁多鋪頭無開門, 四周又冷冷清咁。 無耐經過Museu del Joguet de catalunya的玩具博物館, 見佢€7入場費都係唔入了。因為諗住搭4:24返去的火車, 所以去hea tea, 又比我見到一間好decent 的cafe, 見佢cake +milk coffe 都係€2.9就叫左一set! 我揀左一款叫quinoa的cake, 嘩, 原價都€3.5架, 我咪好抵!! 食完比錢..原來個set件cake係指明的coca cake, 究竟coca cake係咩呢? 我唔知, 我只係知我而家total 要比€5😭😭😭, 不過算啦, 其實都好食, 係香港唔止呢個價添! 唯有唔好蝕, 我仲去左廁所先走。
![](https://assets.matters.news/embed/55d24ab0-134d-40a5-8361-f0817667c070.jpeg)
![](https://assets.matters.news/embed/967500c0-c280-49de-bfeb-9af3104baf71.jpeg)
![](https://assets.matters.news/embed/95b32c15-a454-41cf-985c-e6f7c767cd5d.jpeg)
其實去cafe前, 我見到有間食kebab的, 見佢個set €4.5有包, 薯條同罐裝可樂, 買返去做晚餐都好喎! 就係咁, 我抽住的野食就行返去火車站了! 今次賣車飛(€12)的小姐好nice, 仲提我platform 2添! 等左廿零分鐘就有車, 我對面坐左個嬸嬸, 佢竟然將對腳放左上座位上, 唔係呀, 我忍唔住望實佢(即係對腳係我隔離), 咁佢個frd就幫佢用布冚住對腳, 但佢最後都敵唔過我銳利的小眼睛, 放返對腳落嚟, 真係好痴線😪
返到去, 去埋個超巿買樽裝水(€0.49)就返hostel了, 食埋淨返的kebah同唔凍的可樂, 好充實的一天!
今日共用:€34.29 (cash)