［減肥！］新手減肥對帶氧運動的誤解

我都已經40歲以上。

我每日健身一小時，重訓維持肌肉而已。

已經冇跑步成年幾，而且好少步行好耐。

但我都keep到正常身型先。

好多人諗住做帶氧運動就減到肥……

！！sorry錯晒！！！

我同你講我32歲個時都跑得幾多下，講緊每個week 50-60km ，weekend可以跑到30+公里長課，但都有肚腩。仲要唔跑個時，就反彈肥番好快！

維持左兩三年，之後改善習慣，做下面講啲野，之後就keep 到身型到而家，都近六年。

所以睇落肥唔肥，係要成個習慣改變，同練番個身型睇落唔肥先掂。

以下係初初減肥重點：

飲食控制

最主要係飲食要控制到，尤其飲野要減或戒糖，唔好以為啲野唔肥就係咁食，始終有卡路里。總之重口味野都少掂先，因為重口味會令你食更多。酒個啲更加少掂。而戒糖都要慢慢少食糖咁習慣下，循序漸進。唔好一步就減到冇糖，食雞胸咁冇味，你會覺得好冇引，好快放棄。最後希望達到係飲食均衡。

充足睡眠

訓番正常，充足睡眠11點好訓。唔得都咪超過12點。有啲人訓6個鐘就夠，有啲人要8個鐘，人人唔同，自然醒嘅就岩你。睡眠好重要，因為身體有機制如果你訓得少就會儲能量，會叫你食多啲有飢餓感。同埋睡眠令你新陳代謝快，因為清除身體垃圾嘅時候都係睡眠時間去完成。

重訓-肌肉訓練

最後先做運動，重訓增加肌肉好重要，多肌肉先消糖易，新陳代謝快。同埋無論男女，你練好上身比例，中間個腩有少少都睇落冇咁肥，呢個身型有關。女仔做瑜珈冇問題，因為都練深層肌肉，一樣改善肌肉量同有身型。

飲食控制、充足睡眠先最重要，以減肥黎講，做到改善都已經三個月改變到身型冇咁肥先。

遲下有機會解釋下每樣有乜誤解。