我有入錢嫁喎﹗

我係銀行收銀員。有一日，有位女士拎住兩張野黎搵我。我一睇，係兩張做紐紙嘅定期。

「定期到左期啦？幫您睇睇先。」

再仔細一睇，咦？一張係零四年到期，另一張一零年到期。

「女士，呢兩張定期到左期好耐啦喎﹗」

「許生，呢兩張係屋企搵到嘅，你可唔可以幫我睇下而家有幾多紐紙係戸口到呀？」

我查佢戸口號碼。咦？查唔到嘅？之後拎佢身分證號碼一查，發現佢個戸口已經取消左。

「女士，您個戸口係2012年取消左啦﹗入面已經冇錢嫁啦﹗」

「冇錢？我有入錢嫁喎﹗點會冇呀？」

我再對清楚資料，確認佢個戸口真係取消左。

「個戸口取消左嫁啦﹗已經冇錢嫁啦﹗」

「冇理由冇嫁喎﹗我之前有入錢嫁﹗」

係爭論嘅同時，我觀察到個位女士嘅眼神唔係好妥，懷疑佢有腦退化。雙方拗左兩分鐘之後都係爭持不下，然後由一位資深同事出黎解圍，請個位女士坐低等一陣，之後好順利咁將佢耍走左。