「2020年度口裡說不身體誠實獎」

諷刺的，在嘴炮的同一天，另一波早己潛伏的疫情又來襲，無情的向政府巴了一掌。

「在政府、商界、民間合作應對之下，「拉Curve」來看，香港還算交出一份亮麗的疫情防控成績表。」（摘自：【新冠肺炎】感染個案全球最低之一 香港交出亮麗防控成績表。香港01。2020/7/13。）

如果我不住在這城市，單看這篇特約的社會新聞，會覺得港府真的從十七年前的SARS汲取經驗，雖然是贊助的文稿，也不會認為旨在唱好港府於疫情上的控制能力。

然後，諷刺的，在同一天，另一波疫情又來襲，無情的向政府巴了一掌。

政府用了兩天去決定下午六時後全港食肆只准做外賣的生意。八個罎子七個蓋，腳趾斬完，沙蟲就遛掉？不少香港人，都想著同一個問題：病毒是太陽下山後才出沒？

專家們和一眾前線護理人員，應變能力和處理手法的確成熟了。Effective and efficient。但卻被港府的𣲷搞垮了。

交白卷後拉 curve 攞高分。文仔同學話咁樣係作弊喎。咦，文仔呢？講完轉頭就唔見咗嘅？

校長喺早會果度拎住杯香檳「用心良苦」咁話，只係考試果一段時間因為需要部署，所以係答得慢啲。不過喺派卷後都有答返晒啦，重影影印好多份試卷添。

重有話當時唔答主要係想激勵其他同學答多啲。

得到高分，的確係同學仔有份貢獻。學校同校長問心無愧，校長以前重係考第一添，榮譽嚟架。

今年嘅身體誠實獎得主就係……我地先有請校長再次上台頒獎。係，拆信封啦，係咪好緊張呢？咳，「2020年度中國香港特區口裡說不身體誠實獎」得主係……

領獎人感言：「好尷尬囉，自己頒畀自己都有嘅，嘻嘻。刀謝。」