My little detour - 《隻腳終於無咁腫，好彩》

2022 年 3 月 20 日

11 Jul 2019, Thur (Day 43 晴， Merida -> Palenque, Mexico)

今日要坐8:30am車去Palenque, 但售票姐姐叫我8點要去到。雖然我唔覺得架車會早開，但我都盡量按時出現。我本身預左6:20am or 6:25am起身，但自我鬧鐘一work再work, 6:15am我就起左身了。刷牙洗面洗傷口， yeah, 一望隻腳無琴日咁腫了。執埋的剩餘物資就落廚房烚埋嗰五隻蛋帶去坐車。丫，估唔到佢地咁早預備大眾早餐，咁我烚完蛋後快快執埋的野就帶埋的backpacks落去食早餐。我食左好多哈蜜瓜同西瓜同左四塊包，仲夠時間洗埋碗先出門口。

我大概7:40am出門， 15分鐘就行到，果然算係行熟左的。 btw, 我要讚一讚呢間hostel Le Juj, 因為佢地日日換床單， even你一住幾日，佢地每日都會換新，係住咁耐唯一一間會咁。另外佢地的自助早餐都好欣賞，雖然只有哈蜜瓜，西瓜同包，但勝在自己夾，想食幾多都得。去到巴士站叉住電話等， 8:15am螢幕就出現我架車資料，都好準時。放埋行李（丫，呢到行李有比tag架喎，好能太長途）我就上去搵40號座位，廁所前面😭😭，無計，鬼叫我遲買，買到都好彩了，如果唔係無折就買唔落手。

經過整整八個半鐘車，期間食左2條蕉5隻蛋，幫手食埋隔離嬸嬸邀請我分享的薯片，落車去過一次廁所（每次去廁所, 心裡都求神希望司機千祈要帶埋我先走)，同埋被逼聞左好耐廁所味。好彩落車行唔使10分鐘就到hostel，呢間Casa Janaab Palenque唔錯，小小酒店仔咁，有廚房有草地， 2晚都只係318.18 peso。

攞完房後我就去超巿買野煮呢兩日的晚餐。腌完雞後去reception問有無巴士去Agua Azul, 佢叫我去Ado bus到買， 80 peso一程。但Ado話無喎，咁點好呢？於是我據Ado職員嘅提示過左Ado隔離望，只見到tour agent喎。佢問我想去邊，我話想搵去Agua Azul的巴士站。佢話無架， collectivo唔直達架，佢地有呢個tour, 去Agua Azul同埋Cascada Misol Ha。佢話好平，然後開價2000 peso! 我無聽錯，係2000 peso, 而我hostel個團只係425 peso, 佢真係當我水魚。我決定比多次機會自己，問埋另一個reception staff collectivo位置，皇天不負有心人，終於比我搵到。不過tour個人無講錯，真係唔直達。落左車仲有4km。 collectivo人好好，佢話我知佢地程車係50 peso, 而的士係30 peso, 班次仲係一個鐘一架，唔錯喎，加埋160 peso, 反正我又無得落水。